ചെറുകഥാകൃത്ത് തോമസ് ജോസഫ് അന്തരിച്ചു; അന്ത്യം ആലുവ കീഴ്മാടുള്ള വീട്ടിൽ; സംസ്‌കാരം നാളെ

എറണാകുളം: പ്രശസ്ത ചെറുകഥാകൃത്ത് തോമസ് ജോസഫ് (67) അന്തരിച്ചു. ആലുവ കീഴ്മാടുള്ള വീട്ടിലായിരുന്നു അന്ത്യം. സംസ്‌കാരം നാളെ നടക്കും. മസ്തിഷ്‌കാഘാത ശസ്ത്രക്രിയയെ തുടർന്ന് മൂന്നു വർഷമായി ചികിത്സയിലായിരുന്നു.

ചിത്രശലഭങ്ങളുടെ കപ്പൽ, മരിച്ചവർ സിനിമ കാണുകയാണ്, പരലോക വാസസ്ഥലങ്ങൾ തുടങ്ങിയവയാണ് പ്രധാന രചനകൾ.

2013-ൽ ചെറുകഥയ്ക്കുള്ള കേരള സാഹിത്യ അക്കാദമി പുരസ്‌കാരം ലഭിച്ചിട്ടുണ്ട്. എസ് ബി ടി സാഹിത്യ പുരസ്‌കാരം, കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് അവാർഡ്, കെ എ കൊടുങ്ങല്ലൂർ സ്മാരക പുരസ്‌കാരം എന്നിവയും ലഭിച്ചിട്ടുണ്ട്.