ദുരൂഹത ഉണർത്തുന്ന പശ്ചാത്തലവുമായി ദിലീഷ് പോത്തൻ ഒരുക്കുന്ന തൊണ്ടിമുതലും ദൃക്‌സാക്ഷിയും എന്ന ചിത്രത്തിന്റെ ഫസറ്റ് ലുക്ക് പുറത്ത്. ഫഹദിനൊപ്പെം സുരാജ് വെഞ്ഞാറമൂടും ഫസ്റ്റ് ലുക്ക് പോസ്റ്ററിലുണ്ട്.

ആഴം കുറഞ്ഞ ഒരു ജലാശയത്തിൽ കിടക്കുന്ന ഫഹദും സുരാജ് വെഞ്ഞാറമ്മൂടുമാണ് ഫസ്റ്റ് ലുക്ക് പോസ്റ്ററിൽ. ഒരു സംഘട്ടനരംഗത്തിന് ശേഷമുള്ള നിശ്ചലദൃശ്യം എന്ന് തോന്നിപ്പിക്കുന്നതാണ് ഇത്.

'മഹേഷിന്റെ' വിജയത്തിന് പിന്നാലെ കഴിഞ്ഞ ജൂലൈ 24നാണ് ദിലീഷ് പോത്തൻ പുതിയ പ്രോജക്ട് പ്രഖ്യാപിച്ചത്.ഉർവ്വശി തിയേറ്റേഴ്സിന്റെ ബാനറിൽ സന്ദീപ് സേനനും അനീഷ് എം.തോമസുമാണ് തൊണ്ടിമുതലും ദൃക്സാക്ഷിയും നിർമ്മിക്കുന്നത്. രാജീവ് രവിയാണ് ഛായാഗ്രാഹകൻ. സൗബിൻ ഷാഹിർ, അലെൻസിയർ തുടങ്ങി വൻതാര നിരയാണ് ചിത്രത്തിൽ അണിനിരക്കുന്നത്.