ഗോൾഫിൽ ഇന്ത്യയ്ക്ക് മെഡൽ പ്രതീക്ഷ; ഒരു റൗണ്ട് ബാക്കിനിൽക്കേ അതിഥി രണ്ടാം സ്ഥാനത്ത്; അവസാന റൗണ്ട് നാളെ

ടോക്യോ: ഗോൾഫിൽ അപ്രതീക്ഷിത മെഡൽ പ്രതീക്ഷ ഉയർത്തി ഇന്ത്യയുടെ അതിഥി അശോക്. വെള്ളിയാഴ്ച വനിതകളുടെ വ്യക്തിഗത സ്ട്രോക് പ്ലേ മൂന്നാം റൗണ്ട് അവസാനിച്ചപ്പോൾ ഒന്നാമതുള്ള അമേരിക്കയുടെ നെല്ലി കോർഡയേക്കാൾ മൂന്ന് സ്ട്രോക്ക് പിന്നിൽ (12അണ്ടർ 201) രണ്ടാം സ്ഥാനത്താണ് അതിഥി.

ശനിയാഴ്ച നാലാം റൗണ്ട് മത്സരം മാത്രം ബാക്കി നിൽക്കേ ഒളിമ്പിക് ഗോൾഫിൽ ചരിത്രത്തിൽ ആദ്യമായി മെഡൽ നേടുന്ന താരമെന്ന നേട്ടമാണ് അതിഥിയെ കാത്തിരിക്കുന്നത്. തൊട്ടുപിന്നിലുള്ള താരവുമായി രണ്ടു സ്ട്രോക്കുകൾക്ക് മുന്നിലാണ് 23-കാരിയായ അതിഥി.

വെള്ളിയാഴ്ച അഞ്ച് ബെർഡീസും രണ്ട് ബോഗീസും താരം സ്വന്തമാക്കി.