'നീ പക പോക്കുവാണ് അല്ലേടാ'; മിന്നൽ മുരളിയുടെ ലൊക്കേഷനിലെ വീഡിയോ പുറത്തുവിട്ട ബേസിലിനോട് ടൊവിനോയുടെ ചോദ്യം
തിരുവനന്തപുരം: മലയാളത്തിന്റെ സൂപ്പർഹീറോ മൂവി എന്ന നിലയിൽ മിന്നൽ മുരളി സിനിമക്ക്ക വലിയ സ്വീകാര്യതയാണ് ലഭിക്കുന്നത്. നെറ്റ്ഫ്‌ളിക്‌സിലൂടെ ഏറ്റവും അധികം പേർ ചുരുങ്ങിയ ദിവസം കൊണ്ട് കണ്ട് ഇന്ത്യൻ ചിത്രമായി സിനിമ മാറിയെന്നാണ് പുറത്തുവരുന്ന റിപ്പോർട്ടുകൾ. സൈബർ ഇടത്തിൽ അടക്കം മിന്നൽ മുരളി വൈറലാണ്.
ഇതിനിടെ ഇപ്പോഴിതാ മിന്നൽ മുരളിയുടെ ഷൂട്ടിംഗിങ്ങിനിടെയുള്ള ഒരു വീഡിയോ പോസ്റ്റ് ചെയ്തിരിക്കുകയാണ് ബേസിൽ. ക്ലൈമാക്സ് ഷൂട്ടിൽ, വസ്ത്രത്തിൽ അഴുക്ക് വരാൻ വേണ്ടി മണ്ണിൽ കിടന്ന് ഉരുളുന്ന ടൊവിനോയുടെ വീഡിയോയാണ് ബേസിൽ ഷെയർ ചെയ്തത്. മണ്ണിൽ കിടന്ന് രണ്ട് മൂന്ന് വട്ടം ഉരുണ്ട ശേഷം ടൊവിനോ ചാടിയെഴുന്നേൽക്കുന്നതും വീഡിയോയിൽ കാണാം.
'നീ പക പോകുവാണ് അല്ലേടാ' എന്നാണ് വീഡിയോയ്ക്ക് താഴെയെത്തി ടൊവിനോ ചോദിച്ചത്. നിരവധി പേരാണ് വീഡിയോയ്ക്ക് താഴെ കമന്റുകളുമായി എത്തുന്നത്. ഇതിന് മുൻപ് ബേസിൽ ജോസഫ് മിന്നൽ മുരളിയിലെ ഗാനങ്ങൾ പാടുന്നതും, ഷൂട്ടിങ്ങിന്റെ ഇടക്ക് ആഹാരം കഴിക്കുന്നതുമായ വീഡിയോകൾ ടോവിനോ പോസ്റ്റ് ചെയ്തിരുന്നു. വീഡിയോകളെല്ലാം വലിയ തോതിൽ വൈറലാവുകയും ചെയ്തിരുന്നു.
അതേസമയം തെന്നിന്ത്യൻ സിനിമാലോകത്ത് തന്നെ തരംഗമായി മാറിയിരിക്കുകയാണ് മിന്നൽ മുരളി. കുറുക്കന്മൂലയിലെ സൂപ്പർ ഹീറോ രാജ്യത്തിന്റെയാകെ ശ്രദ്ധയാണ് പിടിച്ചു പറ്റിയത്. ചിത്രത്തിന് രണ്ടാം ഭാഗവുമുണ്ടായിരിക്കുമെന്ന് അണിയറപ്രവർത്തകർ അറിയിച്ചിട്ടുമുണ്ട്.
