നടിയും മോഡലുമായ ട്രാൻസ് ജെൻഡർ കൊച്ചിയിൽ മരിച്ച നിലയിൽ; ചക്കര പറമ്പിലെ ലോഡ്ജിൽ തൂങ്ങി മരിച്ച നിലയിൽ കണ്ടെത്തിയത് ആലപ്പുഴ സ്വദേശിയായ ഷെറിനെ

കൊച്ചി: കൊച്ചിയിൽ ട്രാൻസ്‌ജെൻഡർ തൂങ്ങിമരിച്ച നിലയിൽ. നടിയും മോഡലുമായ ഷെറിൻ സെലിൻ മാത്യുവാണ് (27) മരിച്ചത്. കൊച്ചി ചക്കരപറമ്പിലെ ലോഡ്ജിൽ തൂങ്ങിമരിച്ച നിലയിൽ രാവിലെ പത്തരയോടെയാണ് ഷെറിനെ കണ്ടെത്തിയത്. ആലപ്പുഴ സ്വദേശിയാണ് ഷെറിൻ. വർഷങ്ങളായി കൊച്ചിയിലാണ് താമസം. പൊലീസ് അസ്വഭാവിക മരണത്തിന് കേസെടുക്കും.