അയർലണ്ടിൽ എത്തുന്ന ആളുകൾക്ക് നിർബന്ധിത ക്വാറന്റെയ്ൻ നിയമം 26 വെള്ളിയാഴ്ച ആരംഭിക്കും.അയർലണ്ടിലെത്തുന്ന എല്ലാ യാത്രക്കാർക്കും ഹോട്ടൽ ക്വാറന്റൈയ്ൻ നിർദ്ദേശം ബാധകമാവുമെന്നാണ് നിയമമെങ്കിലും,ആദ്യ ഘട്ടത്തിൽ യു എ ഇ അടക്കമുള്ള 33 രാജ്യങ്ങൾ വഴി വരുന്നവർക്കേ നിയമം പ്രാബല്യത്തിൽ വരുത്തിയിട്ടുള്ളു.ആവശ്യക്കാർക്കായുള്ള ബുക്കിങ് പോർട്ടൽപ്രവർത്തിച്ചു തുടങ്ങി..

ഓരോ യാത്രക്കാരനും ഹോട്ടൽ ക്വാറന്റൈൻ ചെലവിലേയ്ക്ക് 1,875 യൂറോ വീതം അടയ്‌ക്കേണ്ടിവരും.നിർദിഷ്ട രാജ്യങ്ങളിൽ നിന്നുള്ളവർക്ക് പുറമെ കോവിഡ് -19 ന് ആവശ്യമായ നെഗറ്റീവ് പിസിആർ പരിശോധനാഫലമില്ലാതെ രാജ്യത്ത് എത്തുന്ന ഏതൊരു യാത്രക്കാരനും ഈ നിയമങ്ങൾ ബാധകമാണ്.

ഗതാഗതം, സുരക്ഷ, ആരോഗ്യം, മറ്റ് സേവനങ്ങൾ എന്നിവയ്ക്കൊപ്പം താമസസൗകര്യവും ഇവർ ഒരുക്കി നൽകും.സാൻട്രിയിലെ ക്രൗൺ പ്ലാസ ഡബ്ലിൻ എയർപോർട്ട് ഹോട്ടലാണ് യാത്രക്കാരെ സ്വീകരിക്കുന്ന ആദ്യത്തെ സൗകര്യം.ഒരുക്കുക.ഡബ്ലിനിലേക്കും കോർക്ക് വിമാനത്താവളങ്ങളിലേക്കും അടുത്തുള്ള ഹോട്ടലുകൾ അതിന്റെ പോർട്ട്ഫോളിയോയിൽ ഉൾപ്പെടുന്നുവിമാനത്താവളത്തിൽ നിന്നും പ്രതിരോധ സേനയുടെ അകമ്പടിയോടെയാവും യാത്രക്കാരേ ഹോട്ടലുകളിലേയ്ക്ക് മാറ്റുകയെന്ന് ആരോഗ്യവകുപ്പ് അറിയിച്ചു.

അംഗോള, അർജന്റീന, ഓസ്ട്രിയ, ബൊളീവിയ, ബോട്‌സ്വാന, ബ്രസീൽ, ബുറുണ്ടി, കേപ് വെർഡെ, ചിലി, കൊളംബിയ, ഡെമോക്രാറ്റിക് റിപ്പബ്ലിക്ക് ഓഫ് കോംഗോ, ഇക്വഡോർ, ഈശ്വതിനി, ഫ്രഞ്ച് ഗയാന, ഗയാന, ലെസോതോ , മലാവി, മൗറീഷ്യസ്, മൊസാംബിക്ക്, നമീബിയ, പനാമ, പരാഗ്വേ, പെറു, റുവാണ്ട, സീഷെൽസ്, ദക്ഷിണാഫ്രിക്ക, സുരിനാം, ടാൻസാനിയ, യുണൈറ്റഡ് അറബ് എമിറേറ്റ്‌സ്, ഉറുഗ്വേ, വെനിസ്വേല, സാംബിയ, സിംബാബ്വെ എന്നീ രാജ്യങ്ങളിൽ നിന്നെത്തുന്നവർക്കാണ് നിയമം ഇപ്പോൾ ബാധകമാകുക.

നിയന്ത്രിത രാജ്യങ്ങളിൽ നിന്ന് യാത്ര ചെയ്യുന്ന ആളുകൾ ക്വാറെന്റയ്ൻ നിയമം ലംഘിച്ചാൽ 2,000 ഡോളർ വരെ പിഴയോ അല്ലെങ്കിൽ ഒരു മാസം വരെ തടവോ അനുഭവിക്കേണ്ടി വരും. നിയമം കർശനമാക്കുന്നതിന്റെ ഭാഗമായി ഹോട്ടലുകളിൽ സായുധ ഗാർഡുമാർ നിലയുറപ്പിക്കുമെന്നും 14 ദിവസത്തെ കർശന റൂം ക്വാറന്റൈൻ ഉറപ്പാക്കുമെന്നും മുമ്പ് ഉപ പ്രധാനമന്ത്രി വരദ്കർ പറഞ്ഞിരുന്നു.

ടിഫ്കോ ഹോട്ടൽ ഗ്രൂപ്പുമായാണ് ഇതു സംബന്ധിച്ച കരാറിലെത്തിയത്.24 ഹോട്ടൽ പ്രോപ്പർട്ടികളാണ് ഇവർക്കുള്ളത്. 2550 ഹോട്ടൽ മുറികൾ ക്വാറന്റൈയ്ൻ ആവശ്യത്തിനായി ഈ ഗ്രൂപ്പ് ലഭ്യമാക്കും. . ക്രൗൺ പ്ലാസ, ഡബ്ലിൻ എയർപോർട്ടിനടുത്തുള്ള ഹോളിഡേ ഇൻ എക്സ്പ്രസ് ,ഡബ്ലിനിലും കോർക്ക് എയർപോർട്ടുകളിലുള്ള ട്രാവലോഡ്ജ് ഹോട്ടലുകൾ എന്നിവ ഈ ലിസ്റ്റിലുൾപ്പെടുന്നു.

 

ക്വാറന്റെയ്ൻ നിയമം