ടർക്കിഷ് പോച്ട് മുട്ട
ആവശ്യമുള്ള സാധനങ്ങൾ
- മുട്ട- 2
- തൈര്- 5 ടേ.സ്പൂൺ
- ഒലിവ് എണ്ണ- 3 ടേ.സ്പൂൺ
- മുളക് തരികൾ- 2 ടീ.സ്പൂൺ
- പാപ്പരിക്ക(മുളക് പൊടി)- 2 ടീ.സ്പൂൺ
- പച്ചമുളക്- 1 കൊത്തിയരിഞ്ഞത്
- വെളുത്തുള്ളി- 3 കൊത്തിയരിഞ്ഞത്
- ബട്ടർ- 2 ടേ.സ്പൂൺ
- മല്ലിയില- 2 ടേ.സ്പൂൺ,കൊത്തിയരിഞ്ഞത്
- ഉപ്പ്- പാകത്തിന്
പാകം ചെയ്യുന്ന വിധം
സോസ് 1 :- തൈര്,കുരുമുളക്,1/2 ടേ.സ്പൂൺ മുളക് പൊടി,1 ടീ.സ്പൂൺ വറ്റൽമുളക് പൊടി, 1 ടീ.സ്പൂൺ പാപ്പരിക്ക(മുളക്പൊടി) ആവശ്യത്തിനു ഉപ്പും ചേർത്ത് നന്നായി ഇളക്കി വെക്കുക.
സോസ് 2:- ഒലീവോയിലേക്ക്, മല്ലിയിലയും പച്ചമുൾക് കൊത്തിയരിഞ്ഞതും ചേർത്തിളക്കി വെക്കുക
സോസ് 3:- ഒരു ഫ്രയിങ് പാൻ അടുപ്പത്ത് വെച്ച് ചൂടാകുംബോൾ അതിലേക്ക് 2 സ്പൂൺ ബട്ടർ ഇടുക അതിലേക്ക് ,1/2 ടീ.സ്പൂൺ പാപ്പരിക്ക, ½ സ്പൂൺ മുളകുപൊടിയും ഇട്ട് നന്നായി ബ്രൗൺ ആക്കി മാറ്റിവെക്കുക.
മുട്ട് പോച്ച് ചെയ്യാൻ:- ഒരു ഫ്രയിങ് പാൻ അടുപ്പത്ത് വെച്ച് അതിലേക്ക് അല്പം എണ്ണയൊഴിച്ച് ചൂടാകുംബോൾ അതിലേക്ക് മുട്ട പൊട്ടിച്ചൊഴിച്ച് അത് ഒരു മൂടിവെച്ചടച്ച്, ചെറുതീയിൽ 5 മിനിട്ട് വേവിക്കുക.മുട്ടക്ക് മുകളിലൂടെ ഒരു പാടപോലെ വെന്തുവരുംബോൾ തി കെടുത്തുക.
മുട്ട പ്ലേറ്റിൽ തയ്യാറക്കുന്ന വിധം
ആദ്യം 2 പരന്ന പ്ലേറ്റ് എടുക്കുക അതിലേക്ക് സോസ് 1 പകുതി പകുതി നിരത്തുക.അതിനു മുകളിൽ സൊസ് 2, 3 എന്നിവ തുള്ളി തുള്ളിയായി ഇട്ട് അലങ്കരിക്കുക.അതിനു മുകളിൽ പോച്ച് ചെയ്ത മുട്ട എടുത്തു വെക്കുക.അലങ്കരിക്കാനായി ഒന്ന് രണ്ട് തുള്ളികൾ മുട്ടക്ക് മുകളിലും തളീക്കുക.ടർക്കിഷ് പോച്ചഡ് മുട്ട തയ്യാർ, റ്റോസ്റ്റിനൊപ്പമോ, ബണ്ണിനൊപ്പമോ,ഗാർളിക് ബ്രഡിനൊപ്പമോ വിളംബുക.
ഒരു മേമ്പൊടി:- ടർക്കിഷ് പാചകരീതി ആരോഗ്യകരമാണ്, തയ്യാറാക്കാൻ എളുപ്പവും രുചികരവുമാണ്. വ്യത്യസ്ത രീതികളുള്ള മുട്ടകൾ, സലാഡുകൾ, ബോറെക്കുകൾ (രുചികരമായ പേസ്ട്രികൾ) എന്നിവയും ഉപയോഗിച്ച് ഉണ്ടാക്കുന്ന തുർക്കി പ്രഭാതഭക്ഷണം എല്ലാവർക്കും ഇഷ്ടപ്പെടും.
