യുഎഇയിൽ ഇന്ന് കോവിഡ് സ്ഥിരീകരിച്ചത് 640 പേർക്ക്; രാജ്യത്ത് കോവിഡ് ബാധിതരുടെ എണ്ണം 79,489 ആയി

അബുദാബി: യുഎഇയിൽ ഇന്ന് 640 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ആകെ കോവിഡ് സ്ഥിരീകരിച്ചവരുടെ എണ്ണം 79,489 ആയി. 24 മണിക്കൂറിനിടെ കോവിഡ് ബാധിച്ച് മരണങ്ങളൊന്നും റിപ്പോർട്ട് ചെയ്തിട്ടില്ലെന്ന് ആരോഗ്യ രോഗപ്രതിരോധ മന്ത്രാലയം അറിയിച്ചു. 468 പേർക്കാണ് രാജ്യത്ത് പുതുതായി കോവിഡ് ഭേദമായത്. ആകെ രോഗമുക്തരുടെ എണ്ണം 69,451 ആയി. 399 ആണ് ആകെ മരണസംഖ്യ. നിലവിൽ 9,639 പേരാണ് ചികിത്സയിലുള്ളത്. 84,000ത്തിലധികം കോവിഡ് പരിശോധനകൾ കൂടി നടത്തി.