ലെസ്റ്റർ: യുകെ ക്‌നാനായ കാത്തലിക് അസോസിയേഷന്റെ മിഡ്‌ലാന്റ്‌സ് റീജിയൺ പ്രവർത്തനോദ്ഘാടനും ലെസ്റ്റർ യൂണിറ്റ് ദാശാബ്ദിയാഘോഷങ്ങളും സംയുക്തമായി ഈ മാസം 22 ന് ലെസ്റ്ററിൽ നടത്തപ്പെടും. ലെസ്റ്ററിലെ മദർ ഓഫ് ഗോഡ് ചർച്ചിൽ രാവിലെ പതിനൊന്നിന് ദിവ്യബലിയോടെയാണ് ലെസ്റ്റർ യൂണിറ്റ് ദശാബ്ദിയും മിഡാലാന്റ്‌സ് റീജിയൺ പ്രവർത്തനോദ്ഘാടനവും ആരംഭിക്കുന്നത്.

തുടർന്ന് ഉച്ച കഴിഞ്ഞ് ഒന്നരയ്ക്ക് പൊതു സമ്മേളനം ആരംഭിക്കും. തദവസരത്തിൽ ലെസ്റ്റർ യൂണിറ്റ് ദശാബ്ദിയാഘോഷത്തിനും മിഡ്‌ലാന്റ്‌സ് റീജിയൺ പ്രവർത്തനോദ്ഘാടത്തിനും തിരി തെളിയും. ഉച്ചകഴിഞ്ഞ് 2. 30 ന് മിഡ്‌ലാന്റ്‌സ് റീജിയൻ യൂണിറ്റുകളുടെ നടവിളി മത്സരം നടത്തപ്പെടും. മിഡാലാന്റ്‌സ് റീജിയൺ യൂണിറ്റുകളായ ബർമിങ്ഹാം, കവൻട്രി, നോട്ടിങ്ങ്ഹാം, വൂസ്റ്റർ, ഡെർബി, ലെസ്റ്റർ, കെറ്ററിങ്ങ്, ഓക്‌സ്‌ഫോർഡ് എന്നീ യൂണിറ്റുകളുടെ വിവിധ കലാപരിപാടികൾ അരങ്ങേറും.