ജോയ് മാത്യുവിന്റെ തിരക്കഥയിൽ മമ്മൂട്ടിയെ നായകനാക്കി ഗിരീഷ് ദാമോദർ സംവിധാനം ചെയ്യുന്ന ചിത്രം് അങ്കിളിന്റെ ടീസറെത്തി. മമ്മൂട്ടി തന്റെ ഒഫിഷ്യൽ ഫേസ്‌ബുക്ക് പേജിലൂടെയാണ് ടീസർ പുറത്തുവിട്ടത്.നെഗറ്റീവ് റോളിലായിരിക്കും മമ്മൂട്ടി എത്തുക എന്ന പ്രചരണത്തിന് ആക്കംകൂട്ടുന്നതാണ് ചിത്രത്തിന്റെ ടീസർ. പഴയ കാല മമ്മൂട്ടി ചിത്രം കുട്ടേട്ടൻ കഥാപാത്രത്തെ അനുസ്മരിക്കും വിധമാണ് മമ്മൂട്ടി ടീസറിലെത്തിയിരിക്കുന്നത്.

കൃഷ്ണകുമാർ എന്നാണ് കഥാപാത്രത്തിന്റെ പേര് ഊട്ടിയിൽ നിന്ന് കോഴിക്കോട്ടേയ്ക്കു അയാൾ യാത്ര തിരിക്കുമ്പോൾ കൂടെ സുഹൃത്തിന്റെ മകളുമുണ്ട്.ചിത്രത്തിൽ രണ്ടു വേഷങ്ങൾ മമ്മൂട്ടിക്കുള്ളതായാണ് സൂചന അതിലൊന്നിൽ സാൾട്ട് ആൻഡ് പെപ്പർ ലുക്കിലാണ് താരം എത്തുന്നത്. നെഗറ്റീവ് വേഷമാണോ പോസി്റ്റീവാണോ എന്ന് ചിത്രം കാണുന്ന പ്രേക്ഷകർ തീരുമാനിക്കട്ടെയെന്നാണ് സംവിധായകന്റെ മറുപടി. ഒരു മിഡിൽ ക്ലാസ് കുടുംബം നേരിടേണ്ടി വരുന്ന പ്രശ്‌നങ്ങളാണ് അങ്കിളിന്റെ കഥാതന്തു.

അതേസമയം റിലീസിനു മുൻപ് തന്നെ ഒരു റെക്കോർഡ് നേട്ടം ഈ സിനിമ സ്വന്തമാക്കിയിരി ക്കുകയാണ് സാറ്റലൈറ്റ് അവകാശം അടുത്തകാലത്തെ ഏറ്റവും മികച്ച തുകയ്ക്കാണ് വിറ്റുപോയിരിക്കുന്നത്. സൂര്യ ടിവിയാണ് ചിത്രത്തിന്റെ സംപ്രേഷണാവകാശം സ്വന്തമാക്കിയിരിക്കുന്നത്. തുക എത്രയാണെന്ന് വെളിപ്പെടുത്തിയിട്ടില്ല. ചിത്രത്തിന്റെ ഷൂട്ടിങും ലാബ് വർക്കുകളും പൂർത്തിയായിക്കഴിഞ്ഞു.