യുണൈറ്റഡ് മലയാളിസ് ഓഫ് ക്യൂൻസ്ലാന്റ് രൂപം കൊണ്ടു

ബ്രിസ്ബൻ: മലയാളിത്തനിമയും പാരമ്പര്യങ്ങളും കേരളത്തിന്റെ സാംസ്‌കാരികവും കലാപരവുമായ പൈതൃകങ്ങളും വരും തലമുറയ്ക്ക് പകർന്ന് നല്കാനായി, ക്യൂൻസ്ലാന്റിൽ പ്രവർത്തിക്കുന്ന മലയാളി അസോസിയേഷനുകളും മലയാളി സാമൂഹ്യ സംഘടനകളും പ്രഗത്ഭരമായ സാമൂഹിക പ്രവർത്തകരും ഒത്തുചേർന്ന് കൊണ്ട് യുണൈറ്റഡ് മലയാളിസ് ഓഫ് ക്യൂൻസ്ലാന്റ് രൂപീകരിച്ചു.

ക്യൂൻസ്ലാന്റ് പാർലിമെന്റ് ഹാളിൽ വിളിച്ച് ചേർത്ത വിവിധ മലയാളി സംഘടനകളുടെ നേതൃയോഗത്തിൽ വച്ച് യുണൈറ്റഡ് മലയാളിസ് ഓഫ് ക്യൂൻസ്ലാന്റിന്റെ ഭാവി പരിപാടികൾക്ക് രൂപം നല്കി.

മലയാളികൾക്ക് ഒത്തുകൂടാൻ കേരള ഹൗസ് കലാ സാംസ്‌കാരിക രംഗത്തെ വളർച്ചക്ക് കേരള ഫെസ്റ്റ് സംഘടിപ്പിക്കുക, യുവജന പങ്കാളിത്തം വളർത്തിയെടുക്കുക, സ്‌കോളർഷിപ്പ് പ്രോഗ്രാമുകൾ സംഘടിപ്പിക്കുക സംഘടനയുടെ ഭാവി പരിപാടികളുടെ ഭാഗമാണ്.