വാഷിങ്ടൺ ഡി സി : ജനുവരി 29 തിങ്കളാഴ്ച മുതൽ ഐആർഎസ് ഔദ്യോഗികമായി ഫോമുകൾ സ്വീകരിക്കുകയും പ്രോസസ്സ് ചെയ്യുകയും ചെയ്യും.ഏറ്റവും നേരത്തെ ഫയൽ ചെയ്യാൻ ശ്രമിക്കണമെന്നും അഭ്യർത്ഥിച്ചിട്ടുണ്ട്

ഏപ്രിൽ 1 നികുതി സമയപരിധിക്കുള്ളിൽ 128.7 ദശലക്ഷത്തിലധികം വ്യക്തിഗത നികുതി റിട്ടേണുകൾ ഫയൽ ചെയ്യപ്പെടുമെന്ന് IRS പ്രതീക്ഷിക്കുന്നു.

ടാക്സ് സീസൺ ഔദ്യോഗികമായി ആരംഭിക്കാൻ ഇനിയും രണ്ടാഴ്ച മാത്രം അകലെയാണെങ്കിലും, അമേരിക്കക്കാർക്ക് അവരുടെ നികുതികൾ സമർപ്പിക്കുവാൻ അതുവരെ കാത്തിരിക്കേണ്ടതില്ല, മിക്ക സോഫ്റ്റ്‌വെയർ കമ്പനികളും ഇലക്ട്രോണിക് സമർപ്പണങ്ങൾ സ്വീകരിക്കുകയും ഐആർഎസ് ഈ മാസം അവസാനം പ്രോസസ്സിങ് ആരംഭിക്കുന്നത് വരെ അവ കൈവശം വയ്ക്കുകയും ചെയ്യുന്നു.IRS സൗജന്യ ഫയൽ IRS.gov-ൽ ജനുവരി 12 മുതൽ ലഭ്യമാകും.