ഇന്ത്യ പ്രസ് ക്ലബ് ഓഫ് ഫ്‌ളോറിഡ:സജി കരിമ്പന്നൂർ(പ്രസിഡന്റ്) , ഡോ. തോമസ് ഡാനിയേൽ(ജനറൽ സെക്രട്ടറി)
ഫ്‌ളോറിഡ: ഇന്ത്യ പ്രസ് ക്ലബ് ഓഫ് ഫ്‌ളോറിഡയുടെ പ്രഥമ ഭാരവാഹികളായി സജി കരിമ്പന്നൂർ പ്രസിഡന്റ് , ഡോ. തോമസ് ഡാനിയേൽ ,ജനറൽ സെക്രട്ടറി,ചാക്കോ കുര്യൻ, (ഓർലാൻഡോ) - വൈസ് പ്രസിഡന്റ്,സുനിൽ വല്ലത്തറ - ജോയിന്റ് സെക്രട്ടറി,, ഷിബു തണ്ടച്ചേരിൽ - ട്രഷറർ എന്നിവരെ തിരഞ്ഞെടുത്തു
മാധ്യമ രംഗത്ത് നിരവധി വർഷമായി സ്തുത്യർഹ സേവനം അനുഷ്ഠിക്കുന്ന ഇന്ത്യ പ്രസ് ക്ലബ് ഓഫ് ഫ്‌ളോറിഡയുടെ കോർഡിനേറ്റർ സജി കരിമ്പന്നൂരിന്റെ അധ്യക്ഷതയിൽ ജൂൺ 9 ഞായറാഴ്ച വൈകുന്നേരം സൂം പ്ലാറ്റ്ഫോമിൽ ചേർന്ന സൗത്ത്-നോർത്ത് ഫ്‌ളോറിഡയിലെ പത്രപ്രവർത്തകരുടെ യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്.
ചെറിയാൻ കെ ചെറിയാൻ (രക്ഷാധികാരി),
അഡ്വക്കേറ്റ് ഡോ. രാജൻ മാർക്കോസ് - ചെയർമാൻ( അഡൈ്വസറി ബോർഡ്)
ഡോ:രവീന്ദ്രൻ നാഥ് -വൈസ് ചെയർമാൻ( അഡൈ്വസറി ബോർഡ്)
രാജു മൈലപ്ര, വറുഗീസ് എബ്രഹാം ഡെൻവർ, ഡോ. സുശീല നാഥൻ,
ജോസ് മോൻ തത്തംകുളം(ഉപദേശക സമിതി അംഗങ്ങൾ)
റവ.റവ.പി.വി.ചെറിയാൻ. - ബോർഡ് ഓഫ് ട്രസ്റ്റി ചെയർമാൻ,
പൗലോസ് .കുയിലാടൻ, പ്രോഗ്രാം കോർഡിനേറ്റർ,
ഡോ.മധുസൂദനൻ നമ്പ്യാർ - ഇവന്റ് കോഓർഡിനേറ്റർ
കമ്മിറ്റി അംഗങ്ങൾ: സാം ഫ്‌ളോറിഡ, ബാബു എഴക്കടവ് (മയാമി),
പുഷ്പ മൈലപ്ര (തമ്പ), സലിം മുസ്തഫ (തള്ളഹസ്സി).എന്നിവരെയും യോഗം ഐക്യകണ്ടേനേ തിരഞ്ഞെടുത്തു
യുഎസിലെ ആശയവിനിമയ, വാർത്താ മാധ്യമ മേഖലയിൽ വിലയേറിയ സംഭാവനകൾ നൽകിയവർ ഒത്തുചേരുന്ന വേദിയായിട്ടാണ് സംഘാടകർ ഇതിനെ വിശേഷിപ്പിച്ചത് . 'ഇത് പ്രവാസി പത്രപ്രവർത്തകർ, വ്‌ലോഗർമാർ, സോഷ്യൽ മീഡിയ പ്രവർത്തകർ, എഴുത്തുകാർ, സ്വന്തം രാഷ്ട്രീയ ബോധ്യമുള്ളവർ തുടങ്ങിയവരുടെ രചനകൾക്ക് അച്ചടി, ദൃശ്യ മാധ്യമങ്ങളിൽ ഇടം കണ്ടെത്താനും അവരെ പ്രോത്സാഹിപ്പിക്കാനും സഹായിക്കുമെന്ന് ഞങ്ങൾ ഉറച്ചു വിശ്വസിക്കുന്നു. ' സംഘാടകർ അറിയിച്ചു
പുതിയ പ്രസിഡന്റായി തിരഞ്ഞെടുക്കപ്പെട്ട സജി കരിമ്പന്നൂർ, പ്രവാസി മലയാളി ലോകത്ത് നിന്ന് മാധ്യമ ധർമ്മം ജനഹൃദയങ്ങളിലേക്ക് എത്തിക്കാൻ ആത്മാർത്ഥമായി പ്രവർത്തിക്കുകയാണ്. 1992-ൽ കോട്ടയത്ത് ഒരു ബാങ്കിൽ ജോലി ചെയ്യുന്നതിനിടെയാണ് ഞാൻ നമ്മുടെ കേരളത്തിൽ നിന്ന് യുണൈറ്റഡ് സ്റ്റേറ്റ്‌സിലേക്ക് കുടിയേറിയത്.നിലവിൽ യുഎസ് പോസ്റ്റൽ സർവീസിൽ സേവനമനുഷ്ഠിക്കുന്ന അദ്ദേഹം വിവിധ പത്ര-ദൃശ്യ മാധ്യമങ്ങളിൽ റിപ്പോർട്ടറായും എഡിറ്ററായും സേവനമനുഷ്ഠിക്കുന്നു. രാഷ്ട്രീയ, സാമൂഹിക, രസതന്ത്ര മേഖലകളിൽ അമേരിക്കൻ മലയാളികളുടെ ശാക്തീകരണത്തിന് ഒട്ടേറെ സംഭാവനകൾ നൽകിയ സജി കരിമ്പന്നൂർ ബഹുമുഖ വ്യക്തിത്വത്തിന്റെ ഉടമ കൂടിയാണ്.
ജനറൽ സെക്രട്ടറിയായി തിരഞ്ഞെടുക്കപ്പെട്ട ഡോ.തോമസ് ഡാനിയേൽ ഇന്ത്യയിൽ മാത്രമല്ല മറ്റു രാജ്യങ്ങളിലും ശ്രദ്ധിക്കപ്പെടാൻ അർഹനായ ഒരു പ്രമുഖ വ്യക്തിത്വത്തിന്റെ ഉടമ കൂടിയാണ്.വായനയെ ആത്മാവാക്കിയ ഡാനിയേൽ, വായിക്കാത്ത പുസ്തകങ്ങൾ ഭൂമി മലയാളത്തിൽ ചുരുക്കം! രണ്ടര പതിറ്റാണ്ടായി സാഹിത്യ മേഖലകളിൽ ഗവേഷണം നടത്തുന്ന അദ്ദേഹം ഫ്‌ളോറിഡയിൽ ഫാർമസിസ്റ്റായി ജോലി ചെയ്യുന്നു.
പ്രമുഖ മാധ്യമ പ്രവർത്തകരായ രാജു മൈലപ്ര, എ സി ജോർജ് ,പി പി ചെറിയാൻ,ഇന്ത്യ പ്രസ് ക്ലബ് ഓഫ് നോർത്ത് ടെക്‌സാസ് പ്രസിഡന്റ് സണ്ണി മാളിയേക്കൽ,വൈസ് പ്രസിഡന്റ് സിജു വി ജോർജ്,സണ്ണി വള്ളിക്കളം, ജോസി കുരിശുങ്കൽ, പി എന്നിവർ പുതിയ ഭാരവാഹികളെ അനുമോദിച്ചു സംസാരിച്ചു.ഡോ.മധുസൂദനൻ നമ്പ്യാർ എല്ലാവർക്കും നന്ദി പറഞ്ഞു.
