ആൽബനി (ന്യൂയോർക്ക്): ക്യാപിറ്റൽ ഡിസ്ട്രിക്റ്റ് മലയാളി അസ്സോസിയേഷന്റെ (സിഡിഎംഎ) ഓണാഘോഷം അവിസ്മരണീയമാക്കാനുള്ള ഒരുക്കത്തിലാണ് ഭാരവാഹികളെന്ന് പ്രസിഡന്റ് സുനിൽ സക്കറിയയും സെക്രട്ടറി അനൂപ് അലക്‌സും അറിയിച്ചു.

സെപ്റ്റംബർ 11 ഞായറാഴ്ച കോളനി കുക്ക് പാർക്ക് പവലിയനിലാണ് (Cook Park, Shambrook Pkwy, Colonie, NY 12205) ആഘോഷം സംഘടിപ്പിച്ചിരിക്കുന്നത്. 'പൊന്നോണം 2022' എന്ന് പേരിട്ടിരിക്കുന്ന ഓണാഘോഷ പരിപാടികൾ രാവിലെ 11:00 മണിക്ക് ആരംഭിക്കും. ഓണ സദ്യയ്ക്കു പുറമെ തിരുവാതിര, പൂക്കളം, വടംവലി തുടങ്ങി വിവിധ കലാ-കായിക പരിപാടികൾ ആഘോഷത്തിന് മാറ്റു കൂട്ടുമെന്ന് ഇരുവരും അറിയിച്ചു.

ക്യാപിറ്റൽ ഡിസ്ട്രിക്റ്റിലുള്ള എല്ലാ മലയാളികളും, ആൽബനി സന്ദർശിക്കുന്ന അതിഥികളും ഈ ആഘോഷത്തിൽ പങ്കെടുത്ത് വിജയിപ്പിക്കണമെന്ന് പ്രസിഡന്റ് സുനിൽ സക്കറിയ അഭ്യർത്ഥിച്ചു.

കോവിഡ്-19 വ്യാപനത്തെത്തുടർന്ന് മന്ദഗതിയിലായിരുന്ന അസ്സോസിയേഷന്റെ പ്രവർത്തനങ്ങൾ പുതിയ കമ്മിറ്റി ഭാരവാഹിത്വം ഏറ്റെടുത്തതോടെ നിരവധി മാറ്റങ്ങൾ വരുത്തിയാണ് മുന്നോട്ടു പോകുന്നതെന്ന് പ്രസിഡന്റും സെക്രട്ടറിയും പറഞ്ഞു.

ഓൺലൈൻ വഴി പുതിയ അംഗത്വമെടുക്കൽ, അംഗത്വം പുതുക്കൽ, അസ്സോസിയേഷന്റെ വിവിധ പരിപാടികളെക്കുറിച്ചുള്ള പ്രഖ്യാപനങ്ങൾ, അവയിൽ പങ്കെടുക്കാൻ ആഗ്രഹിക്കുന്നവരുടെ രജിസ്‌ട്രേഷൻ, ചാരിറ്റി വിഭാഗമായ 'ജീവൻ ഫണ്ട്' വിവരങ്ങൾ മുതലായവ ഏറെ ജനസമ്മതി നേടുന്നുണ്ടെന്ന് സുനിൽ സക്കറിയ പറഞ്ഞു.

ആഘോഷത്തിൽ പങ്കു ചേരാൻ ആഗ്രഹിക്കുന്നവർ എത്രയും വേഗം അസ്സോസിയേഷന്റെ വെബ്‌സൈറ്റ് സന്ദർശിച്ച് രജിസ്ട്രേഷൻ പൂർത്തിയാക്കണമെന്നും പ്രസിഡന്റ് സുനിൽ സക്കറിയ അഭ്യർത്ഥിച്ചു.

കൂടുതൽ വിവരങ്ങൾക്ക്: സുനിൽ സക്കറിയ 518 894 1564, അനൂപ് അലക്‌സ് 224 616 0411, secretary@cdmany.org

വെബ്: https://cdmany.org/

സിഡിഎംഎ