പുതുവർഷത്തിൽ പുത്തനുണർവോടെ 'നാമം' നേതൃനിര

ന്യൂജെഴ്‌സി: അമേരിക്കൻ മലയാളികളുടെ സാമുഹ്യ, കലാസാംസ്‌കാരിക രംഗത്ത് സ്തുത്യർഹമായ രീതിയിൽ പ്രവർത്തിക്കുന്ന 'നാമം' (NAMAM) 2023 ലെ നേതൃനിരയെ പ്രഖ്യാപിച്ചു. 2023 ഫെബ്രുവരി മുതൽ പുതിയ ഭാരവാഹികൾ സ്ഥാനമേറ്റെടുക്കുമെന്ന് ചെയർമാൻ മാധവൻ ബി നായർ അറിയിച്ചു.

വൈദ്യശാസ്ത്ര രംഗത്ത് തനതായ വ്യക്തിമുദ്ര പതിപ്പിച്ച ഡോ. ആശ മേനോനാണ് നാമത്തിന്റെ പുതിയ പ്രസിഡന്റ്. Suja Nair Shirodhkar (സെക്രട്ടറി), Namith Manath (ട്രഷറർ) എന്നിവരാണ് മറ്റു ഭാരവാഹികൾ.

Neuro-Ophthalomology felloship നേടിയ ഡോ. ആശ, വിവിധ മെഡിക്കൽ കമ്മിറ്റികളിലും തന്റെ സാന്നിധ്യം അറിയിച്ചിട്ടുണ്ട്. ഐടി എഞ്ചിനീയറിങ് രംഗത്ത് ജോലി ചെയ്യുന്ന സുജയും, ഫാർമസ്യൂട്ടിക്കൽ ഇൻഡസ്ട്രിയിൽ സീനിയർ മാനേജർ ആയി ജോലി ചെയ്യുന്ന നമിത്തും ഏതാനും വർഷങ്ങളായി നാമത്തിന്റെ വിവിധ പ്രവർത്തനങ്ങളിൽ തങ്ങളുടെ സാന്നിധ്യം അറിയിച്ചവരാണ്.

2023-ലെ നാമത്തിന്റെ പുതിയ നേതൃത്വ നിര അമേരിക്കൻ മലയാളികളുടെ ഇടയിൽ നിരവധി കർമ്മപരിപാടികൾ ആവിഷ്‌കരിച്ചുവരുന്നതായി നാമം ചെയർമാൻ മാധവൻ ബി നായർ അറിയിച്ചു.