ന്യൂജേഴ്സി: ക്രിസ്തീയ സംഗീത ലോകത്തെ സ്വർഗ്ഗീയ ഗായകൻ കെസ്റ്ററും, മലയാളഭക്തിഗാന രംഗത്ത് സംഗീതത്തെ സ്‌നേഹിക്കുന്ന ഏവരുടെയും ഹൃദയ താളങ്ങളായി മാറിക്കഴിഞ്ഞ മലയാളത്തിന്റെ കൊച്ചു വാനമ്പാടി ശ്രേയയും ഒരുമിക്കുന്ന ക്രിസ്തീയ സംഗീതവിരുന്ന് 'ഡെയിലി ഡിലൈറ്റ് കെസ്റ്റർ ലൈവ് ഇൻ കൺസർട്' നോർത്ത് അമേരിക്കയിലും, കാനഡയിലും 2023, സെപ്റ്റംബർ, ഒക്ടോബർ മാസങ്ങളിൽ സ്റ്റേജ് ഷോയുമായി എത്തുന്നു.

അമേരിക്കൻ ഐക്യനാടുകളിലെ മലയാളികൾക്ക് എന്നും ഓർമ്മിക്കാൻ കഴിയുന്ന നല്ല ഷോകൾ മാത്രം കാഴ്‌ച്ചവയ്ക്കുന്ന സെവൻസീസ് എന്റർടെയിമെന്റ്‌സും, കാർവിങ് മൈൻഡ്സ് എന്റർറ്റൈന്മെന്റ്‌സും'' ഒരിക്കൽകൂടി ഒരുമിക്കുന്ന ''കെസ്റ്റർ ലൈവ് ഇൻ കൺസർട്'' ദൃശ്യ ശ്രവ്യ വിസ്മയത്തിന് അമേരിക്കയിലും, കാനഡയിലും ആണ് വേദിയൊരുക്കുന്നത്.

തത്സമയ വാദ്യ മേളങ്ങളുടെ അകമ്പടിയോടെ അരങ്ങേറുന്ന ഡെയിലി ഡിലൈറ്റ് 'കെസ്റ്റർ ലൈവ് ഇൻ കൺസർട്' പ്രോഗ്രാമിൽ ഇന്ത്യയിലെ 'ഹോളി ഹാർപ്‌സ്' എന്ന സംഗീത ഓർക്കസ്‌ട്രേഷൻ ടീമിനെ നയിക്കുന്ന പ്രമുഖ കീബോർഡു പ്ലെയർ, യേശുദാസ് ജോർജ്, കഴിഞ്ഞ 25 വർഷമായി സ്റ്റേജ് ഷോകളിൽ മുഖ്യസാന്നിദ്ധ്യം ഹരികുമാർ ഭരതൻ (തബല), അവാർഡ് ജേതാവും, അമേരിക്കയിലുൾപ്പെടെ ഇന്ത്യയിലും വിദേശത്തും സ്റ്റേജ് ഷോ പ്രോഗ്രാമുകളിൽ നിറസാന്നിധ്യമായ റോണി കുരിയൻ (ഡ്രമ്മർ), ഗിറ്റാറിസ്റ്റ് സന്തോഷ് സാമുവൽ എന്നറിയപ്പെടുന്ന ജേക്കബ് സാമുവൽ (ഗിറ്റാർ) എന്നിവർക്കൊപ്പം അമേരിക്കയിൽ നിന്നുമുള്ള പ്രമുഖ വാദ്യമേള വിദഗ്ദ്ധരും ഒരുമിക്കുമ്പോൾ ശ്രോതാക്കൾക്ക് ആത്മീയ സംഗീതത്തിന്റെ അനർഘനിമിഷങ്ങൾ സമ്മാനിക്കും.

'കെസ്റ്റർ ലൈവ് ഇൻ കൺസെർട്ടിന്റെ ശബ്ദ നിയന്ത്രണം പ്രശസ്ത സൗണ്ട് എഞ്ചിനിയർ അനിയൻ ഡാളസ് ആയിരിക്കും.

പ്രൊഫഷണലിസത്തിന്റെ മികവും നൂതന സാങ്കേതികവിദ്യകളുടെ സമന്വയവും, അവതരണത്തിന്റെ വ്യത്യസ്തതയും കൊണ്ട് ഒട്ടേറെ പുതുമകളാണ് 'കെസ്റ്റർ ലൈവ് ഇൻ കൺസർട്' ലൂടെ ഇക്കുറിയും അമേരിക്കൻ മലയാളികൾക്കായി ഒരുക്കിയിരിക്കുന്നത്.

ആർദ്രസ്നേഹത്തിന്റെ സാന്ത്വനസ്പർശമായി നമ്മുടെ മനസ്സുകളിൽ ആത്മീയ ഉണർവ് നേടുവാനും, വിശ്വാസ ചൈതന്യത്തെ നിറയ്ക്കുവാനും സഹായിക്കുന്ന കെസ്റ്റർ ലൈവ് ഇൻ കൺസർട് ക്രിസ്തീയ മെഗാഷോ 2023 സെപ്റ്റംബർ, ഒക്ടോബർ മാസങ്ങളിൽ അമേരിക്കയിലുടനീളം പര്യടനം നടത്തുമ്പോൾ വൈവിധ്യമാർന്ന ആലാപന മാധുരിയിലൂടെ പ്രേക്ഷകർക്ക് ഭക്തിയുടെ സവിശേഷമായ ശ്രവ്യാനുഭവം പകരും എന്നതിൽ സംശയമില്ല.

ഷോയുടെ മീഡിയ സ്‌പോൺസേർസ് ജോയാലുക്കാസ് & സ്‌കൈപാസ്സ് ട്രാവൽ എന്നിവരാണ്.

കൂടുതൽ വിവരങ്ങൾക്ക്,

ജോബി ജോർജ് (732) 470-4647
ഗിൽബെർട്ട് ജോർജ് (201) 926-7477