ഐ.പി.സി സൗത്ത് ഈസ്റ്റ് റീജിയന്‍ വാര്‍ഷിക കണ്‍വന്‍ഷന്‍ അറ്റ്‌ലാന്റായില്‍;
ഫ്‌ളോറിഡ: ഐ.പി.സി നോര്‍ത്ത് അമേരിക്കന്‍ സൗത്ത് ഈസ്റ്റ് റീജിയന്റെ 24 - മത് വാര്‍ഷിക കണ്‍വന്‍ഷന്‍ ആഗസ്റ്റ് 30 മുതല്‍ സെപ്റ്റംബര്‍ 1 വരെ വെള്ളി, ശനി, ഞായര്‍ ദിവസങ്ങളില്‍ അറ്റ്‌ലാന്റയില്‍ വെച്ച് നടത്തപ്പെടും. സുപ്രസിദ്ധ ഉണര്‍വ് പ്രഭാഷകനും അനുഗ്രഹീത പ്രാസംഗികനുമായ പാസ്റ്റര്‍ കെ.ജെ തോമസ് (കേരളം) മുഖ്യ പ്രഭാഷണം നടത്തും.
30, 31 തീയതികളില്‍ വൈകിട്ട് 6 മുതല്‍ ഗുഡ് സമാരിറ്റന്‍ അലൈന്‍ സ് ചര്‍ച്ചില്‍ (Good Samaritan Alliance Church, 711 Davis Rd, Lawrenceville, GA 30046 ) വെച്ച് കണ്‍വന്‍ഷന്‍ നടത്തപ്പെടും. സമാപന ദിവസമായ സെപ്റ്റംബര്‍ 1ന് ഞായറാഴ്ച അറ്റ്‌ലാന്റാ ഐ.പി.സി സഭയില്‍ (Atlanta IPC, 545 Rock Springs Rd, Lawrenceville, GA 30043) വെച്ച് സംയുക്ത സഭാ ആരാധനയും തിരുവത്താഴ ശുശ്രുഷയും നടത്തപ്പെടും.
റീജിയന്‍ ക്വയര്‍ പ്രെയ്‌സ് ആന്റ് വര്‍ഷിപ്പിന് നേതൃത്വം നല്‍കും. യുവജന സമ്മേളനം, സഹോദരി സമ്മേളനം തുടങ്ങിയവ ശനിയാഴ്ച 10 മുതല്‍ 12.30 വരെ ഉണ്ടായിരിക്കുന്നതാണ്. റീജിയന്‍ പ്രസിഡന്റ് പാസ്റ്റര്‍ കെ.സി. ജോണ്‍ കണ്‍വന്‍ഷന്‍ ഉത്ഘാടനം നിര്‍വ്വഹിക്കും. ജനറല്‍ സെക്രട്ടറി പാസ്റ്റര്‍ റോയി വാകത്താനം അധ്യക്ഷത വഹിക്കും.
ഫ്‌ലോറിഡ, ജോര്‍ജിയ, ടെന്നസ്സി, സൗത്ത് കരോലിന തുടങ്ങിയ സംസ്ഥാനങ്ങളില്‍ നിന്നുമുള്ള വിശ്വാസികളും ശുശ്രുഷകന്മാരും കണ്‍വന്‍ഷനില്‍ സംബന്ധിക്കും. റീജിയന്‍ ഭാരവഹികളായി പാസ്റ്റര്‍ കെ.സി ജോണ്‍ (പ്രസിഡന്റ്), പാസ്റ്റര്‍ എ.സി ഉമ്മന്‍ (വൈസ് പ്രസിഡന്റ്), പാസ്റ്റര്‍ റോയി വാകത്താനം (സെക്രട്ടറി), നിബു വെള്ളവന്താനം (ജോയിന്റ് സെക്രട്ടറി), എബ്രഹാം തോമസ് (ട്രഷറര്‍) എന്നിവര്‍ പ്രവര്‍ത്തിക്കുന്നു.
