കാര്‍ തട്ടിയെടുത്ത മൂന്ന് പ്രതികളെ ഡാളസ് പോലീസ് അറസ്റ്റ് ചെയ്തു

ഡാളസ്:കാര്‍ മോഷ്ടിച്ച മൂന്ന് പ്രതികളെ ഡാളസ് പോലീസ് പിന്‍തുടര്‍ന്ന ശേഷംഅറസ്റ്റ് ചെയ്തു.ഓള്‍ഡ് ഈസ്റ്റ് ഡാലസിലെ ഈസ്റ്റ് സൈഡ് അവന്യൂവിലെ 5100 ബ്ലോക്കില്‍ വെള്ളിയാഴ്ച രാത്രിയാണ് കാര്‍ മോഷണം നടന്നത്.പ്രതികള്‍ തോക്ക് ചൂണ്ടി ഇയാളുടെ വാനില്‍ കയറുകയായിരുന്നെന്ന് പോലീസ് പറഞ്ഞു.

പിന്നീട് ഉദ്യോഗസ്ഥര്‍ മോഷ്ടിച്ച വാന്‍ കണ്ടെത്തി, അല്‍പ്പനേരം പിന്തുടരുകയായിരുന്നു. ഒടുവില്‍ മൂന്ന് പേരെ അറസ്റ്റ് ചെയ്തു.36 കാരിയായ ജെസ്സി ഗാര്‍സിയ കവര്‍ച്ച, അറസ്റ്റ് ഒഴിവാക്കല്‍, മയക്കുമരുന്ന് കൈവശം വച്ച കുറ്റങ്ങള്‍ എന്നിവ നേരിടുന്നു.അറസ്റ്റ് ഒഴിവാക്കിയതിന് ജോസ് ഹെര്‍ണാണ്ടസ് (38), സ്റ്റാര്‍ വില്യംസ് (43) എന്നിവരെ പ്രൊബേഷന്‍ ലംഘനത്തിന് ജയിലിലടച്ചു.കേസില്‍ അന്വേഷണം തുടരുകയാണെന്ന് പോലീസ് അറിയിച്ചു.