മൈഗ്രന്റ് കുടിയേറ്റക്കാര്‍ക്കായി ടെക്സാസ് ബിഷപ്പ് പോപ്പുമായി കൂടിക്കാഴ്ച നടത്തി
ടെക്സാസ് :അമേരിക്കയിലെ കുടിയേറ്റക്കാര്‍ക്കെതിരായ കടുത്ത നടപടികളില്‍ ആശങ്ക പ്രകടിപ്പിച്ച് ടെക്സാസിലെ എല്‍ പാസോ ബിഷപ്പ് മാര്‍ക്ക് സൈറ്റ്‌സ് വത്തിക്കാനില്‍ പോപ്പ് ലിയോ XIVയുമായി ബുധനാഴ്ച കൂടി കാഴ്ച .നടത്തി കുടിയേറ്റ ഭീതിയില്‍ കഴിയുന്ന കുടുംബങ്ങള്‍ എഴുതിയ കത്തുകളും കുടിയേറ്റികളുടെ ദുരിതം അവതരിപ്പിക്കുന്ന വീഡിയോയും അദ്ദേഹം പോപ്പിന് കൈമാറി.
ബിഷപ്പിന്റെ വാക്കുകള്‍ പ്രകാരം, പോപ്പ് ലിയോ കുടിയേറ്റക്കാരുടെ പിന്‍തുണയില്‍ നിലകൊള്ളുമെന്ന് ഉറപ്പു നല്‍കി. അമേരിക്കന്‍ കത്തോലിക്കാ ബിഷപ്പ് കോണ്‍ഫറന്‍സിന്റെ കുടിയേറ്റ സമിതി അധ്യക്ഷനാണ് സൈറ്റ്‌സ്.
കുടിയേറ്റ സമൂഹങ്ങളില്‍ ഭീതി വ്യാപകമാണെന്ന് സൈറ്റ്‌സ് പറഞ്ഞു. നിയമപരമായി ഉള്ളവരെയും ശിശുക്കളെയും വരെ ഫെഡറല്‍ ഏജന്റുമാര്‍ പിടികൂടുന്നതായി റിപ്പോര്‍ട്ടുകള്‍ ഉണ്ട്. ചില നഗരങ്ങളില്‍ ഹെലിക്കോപ്റ്ററുകള്‍ വഴി താമസകേന്ദ്രങ്ങളില്‍ ആക്രമണം നടത്തുകയും, സ്‌കൂളുകള്‍ക്ക് സമീപം കണ്ണീര്‍ വാതകങ്ങള്‍ പ്രയോഗിക്കുകയും ചെയ്തതായി ആരോപണങ്ങളുണ്ട്.
'പോപ്പ് ട്രംപിനെ കണ്ടുമുട്ടണം. കുടിയേറ്റങ്ങളോടുള്ള അവഗണന അവസാനിപ്പിക്കാന്‍ അഭ്യര്‍ത്ഥിക്കണം,' എന്ന് സന്ദേശത്തില്‍ ഒരുപാതി കുടിയേറ്റക്കാരിയായ മറിയ എഴുതുന്നു.പൊളിറ്റിക്കല്‍ പ്രശ്‌നങ്ങളിലേയ്ക്ക് അത്രയ്ക്ക് ഇടപെടാതെ, മാനവികതയും വിശ്വാസവുമാണ് കത്തോലിക്കാ സഭയുടെ മുഖ്യകുറിപ്പെന്ന് ബിഷപ്പ് സൈറ്റ്‌സ് ഓര്‍മിപ്പിച്ചു.
