ഡാളസ് : ഇന്ത്യൻ കോൺസുലേറ്റ് ഹൂസ്റ്റൺ നവംബര് 12 നു ഡാളസ്സിൽ വിസ ക്യാമ്പ് സംഘടിപ്പിക്കുന്നു.വിവിധ ഇന്ത്യൻ അസ്സോസിയേഷനുകളുടെ സഹകരണത്തോടെ അലനിലുള്ള രാധാകൃഷ്ണ ടെമ്പിളിലാണ്(1450 North Watters Rd ,Allen tx 75013) ക്യാമ്പ് ക്രമീകരിച്ചിരിക്കുന്നത്.

2022 നവംബര് 12 ശനിയാഴ്ച രാവിലെ പത്തു മുതൽ വൈകീട്ട് 5 വരെ ഹൂസ്റ്റൺ കോൺസുലേറ്റിൽ നിന്നുള്ള ഉദ്യോഗസ്ഥർ ഇന്ത്യൻ പാസ്സ്പോർട്ട്, ഓ.സിഐ.കാർഡ്, പേരു പുതുക്കൽ തുടങ്ങിയവർക്കുള്ള പൂരിപ്പിച്ച അപേക്ഷകൾ പരിശേധിച്ചു നൽകും. ഈ പൂരിപ്പിച്ച അപേക്ഷകൾ വി എഫ് എസ് .(ഹൂസ്റ്റൺ) ഓഫീസിലേക്കു അയച്ചു കൊടുത്താൽ കാലതാമസം ഒഴിവാക്കാമെന്നും,ക്യാമ്പിൽ വെച്ച് പുതിയ പാസ്‌പോർട്ടോ , വിസായോ വിതരണം ചെയുന്നതല്ലെന്നും ഉദ്യോഗസ്ഥർ അറിയിച്ചു.

പൗരന്മാരുടെ സംശയങ്ങൾക്കുള്ള മറുപടിയും ഉദ്യോഗസ്ഥർ നൽകും.മുൻ കൂട്ടി രജിസ്റ്റർ ചെയ്യുന്നവർക്കാണ് ആദ്യ പരിഗണന ലഭിക്കുക.കൂടുതൽ വിവരങ്ങൾക്ക് ഹൂസ്റ്റൺ കോൺസുലേറ്റുമായോ ബന്ധപ്പെടാവുന്നതാണ്.