വാഷിങ്ടൺ ഡിസി: ഹണ്ടൻ ബൈഡന്റെ വിദേശ ബിസിനസ് ഇടപാടുകളെക്കുറിച്ചും അതിൽ ബൈഡനുള്ള പങ്കിനെക്കുറിച്ചും ഇതിനകം തന്നെ ആരംഭിച്ചിരിക്കുന്ന അന്വേഷണങ്ങൾ ഊര്ജിതപ്പെടുത്തുമെന്നു അമേരിക്കൻ ജനപ്രതിനിധിസഭ.
യൂ എസ് പ്രതിനിധി സഭയിൽ ഭൂരിപക്ഷം ഉറപ്പാക്കിയതിനു പുറകെ സഭയിലെ ഓവർസൈറ്റ് കമ്മിറ്റി ചെയർമാനായി സ്ഥാനമേറ്റെടുക്കുമെന്ന് പ്രതീക്ഷിക്കുന്ന റിപ്പബ്ലിക്കൻ നേതാവ് ജയിംസ് കോമർ അറിയിച്ചു.
ജോ ബൈഡൻ മുന്പ് വൈസ് പ്രസിഡന്റായിരുന്ന സമയത്ത് മകനു വഴി വിട്ട സഹായങ്ങൾ ചെയ്തുകൊടുത്തിട്ടുണ്ടെന്നും ഇത് അധികാരദുർവിനിയോഗമാണെന്നും റിപ്പബ്ലിക്കന്മാർ ആരോപിച്ചു.ഇക്കാര്യത്തിൽ പ്രസിഡന്റ് അമേരിക്കൻ ജനതയോടു നുണ പറഞ്ഞുവെന്നും ബൈഡൻ കുടുംബത്തിന്റെ ഇടപാടുകൾ ദേശീയസുരക്ഷയ്ക്കു ഭീഷണിയാണെന്നും കൂട്ടിച്ചേർത്തു.
നികുതി വെട്ടിപ്പുമായി ബന്ധപ്പെട്ട് ഹണ്ടർ ബൈഡനെതിരേ അന്വേഷണമുണ്ടെങ്കിലും കുറ്റങ്ങൾ ചുമത്തിയിട്ടില്ല.റിപ്പബ്ലിക്കൻ പാർട്ടി ഉന്നയിച്ചിരിക്കുന്ന ആരോപണങ്ങൾ രാഷ്ട്രീയ പ്രേരിതമാണെന്നു വൈറ്റ്ഹൗസ് പ്രതികരിച്ചു.. ഇതേ കാരണം ഉയർത്തിക്കാട്ടി പ്രസിഡന്റ് ബൈഡനെ ഇപീച് ചെയുന്നതിനു റിപ്പബ്ലിക്കൻ പാർട്ടിക്ക് ഭൂരിപക്ഷമുള്ള യു എസ് പ്രതിനിധി സഭ തീരുമാനിച്ചാലും അതിശയോക്തിയില്ല
