മിസ്സ് ഭാരത് യു.എസ്.എ. കിരീടം പ്രിയ അലവാഡി ഗുപ്തക്ക്

അറ്റ്ലാന്റ: പ്രിയ അലവാഡി ഗുപ്തക്ക് മിസ്സ് ഭാരത് യു.എസ്.എ. എലൈറ്റ് 2022 കിരീടം. നിരവധി മത്സരാർത്ഥികളെ പിന്തള്ളിയാണ് ഇവർ കിരീടമണിഞ്ഞത്.

അറ്റ്ലാന്റയിൽ ഡിസംബർ 10ന് നടന്ന സൗന്ദര്യ മത്സരത്തിൽ വിജയിയായ ഗുപ്തയെ 2021 മിസ്സ് യൂണിവേഴ്സായ ഹർനാസ് സിന്ധു കിരീടമണിയിച്ചു. മൈ ഡ്രീം റ്റി.വി.യു.എസ്.ക്കു വേണ്ടി രശ്മി ബേഡി, ഇനക് ബേഡി എന്നിവരാണ് മത്സരം സംഘടിപ്പിച്ചത്.

ഐറ്റി മാനേജ്മെന്റ് കൺസൾറ്റന്റാണ് ഗുപ്ത. സാമൂഹ്യ സാംസ്കാരിക സംഘടനകളിലെ സജ്ജീവ സാന്നിധ്യമാണ്. ഈ മത്സരത്തിന് ഞാൻ രജിസ്റ്റർ ചെയ്തതു മുതൽ വളരെ ഗൗരവത്തോടെയാണ് ഇതിനെ നോക്കികണ്ടതെന്നും, ഓരോ കടമ്പകളും വളരെ ആവേശപൂർവ്വമാണ് തരണം ചെയ്തതെന്നും, ഈ വിജയത്തിൽ അതീവ സംതൃപ്തയാണെന്നും പ്രിയ പറഞ്ഞു. ലോകത്തെമ്പാടുമുള്ള സ്ത്രീകളെ സഹായിക്കുന്നതിന് മിസ്സ ഭാരത് യു.എസ്സ്.എ. എന്ന ടൈറ്റിൽ പ്രയോജനപ്പെടുത്തുമെന്നും ഇവർ അറിയിച്ചു.

2015 ലെ സൗത്ത് ഏഷ്യ ഇന്റർനാഷ്ണൽ ടൈറ്റിലും പ്രിയ ഗുപ്ത സ്വന്തമാക്കി