സ്റ്റുഡന്റ് ലോൺ പദ്ധതിപുതിയ തീരുമാനങ്ങൾ യുഎസ് ഭരണകൂടം പുറത്തിറക്കി
വാഷിങ്ടൺ: യുഎസ് പ്രസിഡന്റ് ജോ ബൈഡന്റെ സ്റ്റുഡന്റ് ലോണുകൾക്കായുള്ള പദ്ധതി പ്രകാരം 32,800 ഡോളറിൽ താഴെ വാർഷിക വരുമാനമുള്ളവർക്ക് പ്രതിമാസ പേയ്മെന്റുകളൊന്നും നൽകേണ്ടതില്ലെന്ന് റിപ്പോർട്ട്.ഫെഡറൽ സ്റ്റുഡന്റ് ലോൺ കടക്കാർക്കായി നിലവിലുള്ള വരുമാനം അടിസ്ഥാനമാക്കിയുള്ള തിരിച്ചടവ് പദ്ധതിയെക്കുറിച്ചുള്ള പുതിയ തീരുമാനങ്ങൾ യുഎസ് ഭരണകൂടം പുറത്തിറക്കി. മുൻകാലങ്ങളിൽ 40000 ഡോളർ വാർഷിക വരുമാനമുള്ള, കടം വാങ്ങുന്നയാൾക്ക് അവരുടെ വിദ്യാർത്ഥി വായ്പകൾക്കായി ഏകദേശം 151ഡോളർ പ്രതിമാസ പേയ്‌മെന്റ് ഉണ്ടായിരുന്നു. പുതുക്കിയ പ്ലാൻ പ്രകാരം അവരുടെ പേഔട്ട് 30ഡോളർ ആയി കുറയും.
കണക്കുകൂട്ടലുകൾ അനുസരിച്ച് വാർഷിക വരുമാനം 90000ഡോളർ ഉള്ള ഒരു വ്യക്തിയുടെ പേയ്മെന്റുകൾ പ്രതിമാസ അടിസ്ഥാനത്തിൽ 568ഡോളറിൽ നിന്ന് 238 ഡോളർ ആയി കുറയുമെന്നാണ് റിപ്പോർട്ട്.അതുപോലെ, ഏകദേശം $32,800-ൽ താഴെ വാർഷിക വരുമാനമുള്ളവർക്ക് കുടിശ്ശിക പേയ്മെന്റുകളൊന്നും നൽകേണ്ടതില്ല. നിലവിലെ റീപേ സ്‌കീം പ്രകാരം വായ്പയെടുക്കുന്നവർ അവരുടെ വിവേചനാധികാര വരുമാനത്തിന്റെ 10% തുല്യമായ പ്രതിമാസ പേയ്മെന്റുകൾ നടത്തേണ്ടതുണ്ട്. നിലവിലെ റീപേ പ്ലാനിൽ എന്റോൾ ചെയ്തിട്ടുള്ള വായ്പക്കാർക്ക് അവരുടെ വിദ്യാർത്ഥി വായ്പകളിൽ അധിക തുകകൾ 20 അല്ലെങ്കിൽ 25 വർഷത്തേക്ക് പ്രതിമാസ പേയ്മെന്റുകൾ നടത്തിയതിന് ശേഷം ഡിസ്ചാർജ് ചെയ്യാൻ അർഹതയുണ്ട്
