യൂണിയനെ പണിമുടക്കാൻ അനുവദിച്ചു അമേരിക്കൻ എയർലൈൻസ് പൈലറ്റുമാർ
ഫോർട്ട് വർത് (ടെക്‌സാസ്) : അമേരിക്കൻ എയർലൈൻസിന്റെ പൈലറ്റുമാർ ഇപ്പോൾ നടക്കുന്ന ചർച്ചകൾ ഫലപ്രദമാകുന്നില്ലെങ്കിൽ പണിമുടക്കിന് അംഗീകാരം നൽകി.പൈലറ്റുമാർ ശമ്പളത്തിൽ വർദ്ധനവ് മാത്രമല്ല, പാൻഡെമിക്കിനെത്തുടർന്ന് ജീവിത നിലവാരം മെച്ചപ്പെടുത്തണമെന്നും ആവശ്യപെടുന്നു
പുതിയ കരാറിനായുള്ള ചർച്ചകൾ ഒരു അന്തിമഘട്ടത്തിലേക്ക് അടുക്കുകയാണെന്ന് കാരിയർ പറഞ്ഞു,
പൈലറ്റ് സ്‌ട്രൈക്കുകൾ അപൂർവമാണ്. എയർലൈൻസിലെ 15,000 ജീവനക്കാരിൽ 96% ആളുകൾ ഹിതപരിശോധനയിൽ വോട്ട് ചെയ്തു. വോട്ടെടുപ്പിൽ പങ്കെടുത്തവരിൽ 99% പേരും യൂണിയനെ പണിമുടക്കാൻ അനുവദിക്കുന്നതിന് അനുകൂലിച്ചതായി അലൈഡ് പൈലറ്റ്സ് അസോസിയേഷൻ തിങ്കളാഴ്ച പറഞ്ഞു.
''സമ്മർ ട്രാവൽ സീസൺ ഏതാണ്ട് എത്തിക്കഴിഞ്ഞു, ഇത് അമേരിക്കൻ എയർലൈൻസിന് മറ്റൊരു അനിശ്ചിതത്വത്തിന്റെ വേനൽക്കാലമാകുമോ എന്ന് ഞങ്ങൾ എല്ലാവരും ഭയപ്പെടുന്നു ,'' എപിഎ പ്രസിഡന്റ് എഡ് സിച്ചർ തിങ്കളാഴ്ച പ്രസ്താവനയിൽ പറഞ്ഞു. പരിഹരിക്കപ്പെടാത്ത 'വിരലിലെണ്ണാവുന്ന കാര്യങ്ങൾ' മാത്രമേ അവശേഷിക്കുന്നുള്ളൂ.
ഒരു പണിമുടക്ക് നടക്കുന്നതിന് മുമ്പ് യൂണിയനുകളും തൊഴിലുടമകളും തമ്മിൽ ഒരു പ്രശ്നമുണ്ടോ എന്ന് ഫെഡറൽ മധ്യസ്ഥനായ നാഷണൽ മീഡിയേഷൻ ബോർഡ് നിർണ്ണയിക്കേണ്ടതുണ്ട്.
എന്നിരുന്നാലും, ബോസ്റ്റൺ, ഷാർലറ്റ്, ഷിക്കാഗോ, ഡാളസ്/ഫോർട്ട് വർത്ത്, ലോസ് ഏഞ്ചൽസ്, മിയാമി, ന്യൂയോർക്ക്, ഫിലാഡൽഫിയ, ഫീനിക്സ്, വാഷിങ്ടൺ ഡിസി എന്നീ 10 ഹബ്ബുകളിൽ തങ്ങളുടെ അംഗങ്ങൾ ഹ്രസ്വമായ പിക്കറ്റിങ് നടത്തിയതായി അലൈഡ് പൈലറ്റ്സ് അസോസിയേഷൻ പറഞ്ഞു. പിക്കറ്റിങ് വിമാന സർവീസുകളെ ബാധിച്ചില്ല.
--
