ഹൂസ്റ്റൺ: ഹൂസ്റ്റൺ മലയാളികളുടെ അഭിമാനമായി മാറിയ 'ഒരുമ' യുടെ പന്ത്രണ്ടാം വാർഷികം 'ഉല്ലാസം 2023' എന്ന പേരിൽ വൈവിധ്യമാർന്ന പരിപാടികളോടെ ആഘോഷിക്കുന്നു. ഹൂസ്റ്റണിലെ മലയാളി സംഘടനകളിൽ ശ്രദ്ധേയമായ പ്രവർത്തനങ്ങൾ നടത്തി വരുന്ന സംഘടനയാണ് റിവര്‌സ്റ്റോൺ മലയാളികൂട്ടായ്മയായ ഒരുമ.

മെയ് ഇരുപതാം തീയതി ശനിയാഴ്ച രാവിലെ 8 മണി മുതൽ 4 വരെ മിസോറി സിറ്റിയിലുള്ള ക്‌നാനായ കമ്യൂണിറ്റി സെന്റെറിൽ നടത്തപ്പെടുന്ന ഒരുമയുടെ മെഗാ ഇവന്റിൽ 150ൽ പരം അംഗങ്ങൾ ഇതിനകം തന്നെ രജിസ്‌ട്രെഷൻ ചെയ്തു കഴിഞ്ഞുവെന്ന് സംഘാടകര് അറിയിച്ചു. അഞ്ഞൂറോളം കുടുംബാംഗങ്ങൾ ഒത്ത് ചേരുമെന്നു അവർ അറിയിച്ചു. പങ്കെടുക്കുന്ന എല്ലാവരും ഒരുമയോടെ 'ഒരുമ' ടീഷർറ്റുകൾ ധരിച്ച് ഒരുമയുടെ പരിപാടി നിറക്കൂട്ടുള്ളതാക്കി മാറ്റും

ഒരു ദിവസം മുഴുവൻ നീണ്ടുനിൽക്കുന്ന ഈ പ്രോഗ്രാമിൽ ഒരുമ അതിന്റെ മുഴുവൻ അംഗങ്ങളേയും അണിനിരത്തിയാണ് ഈ പ്രോഗ്രാം സംഘടിപ്പിക്കുന്നത്.

വിവിധ കലാ-സാംസ്‌കാരിക പരിപാടികളും, സ്പോർട്സ് ഇവന്റും ഈ പരിപാടിക്ക് മാറ്റുകൂട്ടും. രുചി പകരുന്ന വിവിധ ഇനം ഇന്ത്യൻ ഭക്ഷണങ്ങളുടെ കലവറയും ഒരുമ ഇതിനായി ഒരുക്കിയിരിക്കുന്നു.

പുതുതായി ചുമതലയേറ്റ മുഴുവൻ ഭാരവാഹികൾക്കും വലിയ പിന്തുണയാണ് മുഴുവൻ അംഗങ്ങളും നൽകിവരുന്നത്.

ആന്റു വെളിയത്ത് (പ്രസിഡന്റ്), അനിൽ കിഴക്കേവീട്ടിൽ (സെക്രട്ടറി), സോണി പാപ്പച്ചൻ (ട്രഷറർ) എന്നിവരും എക്സിക്യൂട്ടീവ് കമ്മിറ്റി അംഗങ്ങളായി റ്റിന്റു എൽദോസ്, റിന്റു മാത്യു, രഞ്ജു സെബാസ്റ്റ്യൻ, ജിൻസ് മാത്യു, സെലിൻ ബാബു, ജിനോ ഐസക്ക്, പ്രഭു ചെറിയാൻ, ബിജു തോട്ടത്തിൽ, ഡിലു സ്റ്റീഫൻ, പ്രവീൺ ജോസഫ്, ജിജോ ജോർജ്, ജിജി പോൾ, ജോൺ മേലേത്തേതിൽ, ജോസ് തോമസ് എന്നിവരും പ്രവർത്തിക്കുന്നു.

'ഉല്ലാസം 2023