വാഷിങ്ടൺ ഡി സി : അടുത്തയാഴ്ച യുഎസ് കോൺഗ്രസിന്റെ സംയുക്ത സമ്മേളനത്തിൽ പ്രസിഡന്റ് ഐസക് ഹെർസോഗ് നടത്തുന്ന പ്രസംഗം ബഹിഷ്‌കരിക്കുമെന്ന് ഡെമോക്രാറ്റിക് പ്രതിനിധി ഇൽഹാൻ ഒമർ പ്രഖ്യാപിച്ചു, ഇത് ഡെമോക്രാറ്റിക് പാർട്ടിയിലെ മറ്റ് പുരോഗമനവാദികൾക്കിടയിൽ ഒരു പുതിയ പ്രവണതയ്ക്ക് തുടക്കമിടും.
ഈ സമ്മേളനത്തിൽ ഞാൻ പങ്കെടുക്കാൻ ഒരു വഴിയുമില്ല,'' ഒമർ ഒരു ട്വിറ്ററിൽ കുറിച്ചു , ബുധനാഴ്ച ഇസ്രയേലിന്റെ 75-ാം വാർഷികം അടയാളപ്പെടുത്തുന്ന പ്രസംഗം ഹെർസോഗ് ന ടത്താനിരിക്കുകയാണ്.ഏകദേശം ഒരു ഡസനോളം കാരണങ്ങളുടെ പട്ടിക നിരത്തി ഒമർ തന്റെ തീരുമാനം പ്രഖ്യാപിച്ചത് .ഹൗസ് സ്പീക്കർ നാൻസി പെലോസി കഴിഞ്ഞ വർഷമാണ് ഇസ്രയേൽപ്രധാനമന്ത്രിയെ ക്ഷണിച്ചിരുന്നത്
ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിനെ പണ്ടേ ചൊടിപ്പിച്ച പല ഡെമോക്രാറ്റുകൾക്കും ഹെർസോഗ് കൂടുതൽ പ്രിയങ്കരനായ വ്യക്തിയായി കാണപ്പെടുമ്പോൾ, ഇസ്രയേലിനോടുള്ള ശത്രുത ഏതെങ്കിലും പ്രത്യേക സർക്കാരിനെക്കാളും വളരെ ആഴത്തിലുള്ളതാണെന്ന് ഒമറിന്റെ പ്രഖ്യാപനം തെളിയിച്ചു.
'ഞങ്ങൾ ഇസ്രയേൽ പ്രസിഡന്റിനെ ക്ഷണിക്കേണ്ടതില്ല - കോൺഗ്രസിലേക്ക് തിരഞ്ഞെടുക്കപ്പെട്ട ആദ്യത്തെ രണ്ട് മുസ്ലിം സ്ത്രീകളെ രാജ്യം സന്ദർശിക്കുന്നതിൽ നിന്ന് വിലക്കിയതു നിലവിലെ പ്രധാനമന്ത്രിയുടെ കീഴിലുള്ള സർക്കാറാണ്' ഒമർ ട്വീറ്റ് ചെയ്തു. വിലക്ക് നിലനിൽക്കുന്നതിനാൽ സഹ മുസ്ലിം കോൺഗ്രസുകാരി റാഷിദ ത്‌ലൈബിന് വെസ്റ്റ് ബാങ്കിൽ താമസിക്കുന്ന മുത്തശ്ശിയെ കാണാൻ കഴിഞ്ഞില്ല.
കോൺഗ്രസിൽ സംയുക്ത പ്രസംഗം നടത്താൻ അവസാനമായി ക്ഷണിച്ചത് നെതന്യാഹുവായിരുന്നുവെന്നും 2015ൽ അന്നത്തെ പ്രസിഡന്റ് ബരാക് ഒബാമയെ ധിക്കരിച്ചാണ് ഇറാൻ ആണവ കരാറിനെതിരെ സമ്മർദം ചെലുത്തിയതെന്നും അവർ അനുസ്മരിച്ചു.
കഴിഞ്ഞ മാസം ഇന്ത്യൻ പ്രധാനമന്ത്രി നരേന്ദ്ര മോദി നടത്തിയ സംയുക്ത പ്രസംഗം താൻ ബഹിഷ്‌കരിച്ചെന്നും തന്റെ സർക്കാരിന്റെ മനുഷ്യാവകാശ രേഖയെ അടിസ്ഥാനമാക്കി അടുത്ത ആഴ്ചയും താൻ അതേ നടപടി സ്വീകരിക്കുമെന്നും ഒമർ ചൂണ്ടിക്കാട്ടി.
