ഒക്ലഹോമ: ഇന്ന് (വ്യാഴാഴ്ച) തെക്കുപടിഞ്ഞാറൻ ഒക്ലഹോമ സിറ്റിയിലുണ്ടായ വെടിവെപ്പിൽ രണ്ട് പേർ കൊല്ലപ്പെട്ടതായി പൊലീസ് സ്ഥിരീകരിച്ചു.

വെസ്റ്റ് റെനോ അവന്യൂവിനും സൗത്ത് ചെക്ക് ഹാൾ റോഡിനും സമീപം ഒരു കൺവീനിയൻസ് സ്റ്റോറിന്റെ പാർക്കിങ് സ്ഥലത്താണ് വെടിവയ്‌പ്പ് നടന്നത്.ഉച്ചയ്ക്ക് 2.30ഓടെയാണ് ഉദ്യോഗസ്ഥർ സ്ഥലത്തെത്തിയതെന്ന് പൊലീസ് പറഞ്ഞു. വെടിവയ്‌പ്പിൽ പരിക്കേറ്റ ഒരു പുരുഷനെയും ഒരു സ്ത്രീയെയും ഉദ്യോഗസ്ഥർ കണ്ടെത്തി.

ഒക്ലഹോമ സിറ്റി പൊലീസ് പറയുന്നതനുസരിച്ച്, പരിക്കേറ്റവരെ പ്രാദേശിക ആശുപത്രിയിൽ പ്രവേശിപ്പിച്ചു. പിന്നീട് ഇരുവരും മരിച്ചതായി സ്ഥിരീകരിച്ചു.സംഭവസ്ഥലത്ത് വെടിയുണ്ടകളുള്ള രണ്ട് കാറുകളും നിലത്ത് വസ്ത്രങ്ങളും കണ്ടെത്തിയതായി പൊലീസ് പറയുന്നു.പ്രതിയെ കുറിച്ച് ഇതുവരെ പൊലീസിന് വിവരം ലഭിച്ചിട്ടില്ല.