ഹാരിസ് കൗണ്ടി(ടെക്‌സസ്):നോർത്ത് ഹാരിസ് കൗണ്ടിയിലെ ഒരു അപ്പാർട്ട്‌മെന്റ് കോംപ്ലക്‌സിൽ ട്രക്കിൽ ഉറങ്ങുകയായിരുന്ന തന്നെ കൊള്ളയടിക്കാൻ ശ്രമിച്ച നുഴഞ്ഞുകയറ്റക്കാരനെ വെടിവച്ചു കൊന്നതായി ഷെരീഫ് എഡ് ഗോൺസാലസ് ചൊവ്വാഴ്ച രാവിലെ പറഞ്ഞു.
ഇംപീരിയൽ വാലി ഡ്രൈവിന് സമീപമുള്ള പാരമറ്റ ലെയ്നിലെ 300 ബ്ലോക്കിൽ പുലർച്ചെ 3:12 ന് ആരെയോ വെടിവെച്ചതായി ഒരാൾ വിളിച്ചതിന് ശേഷം ഹാരിസ് കൗണ്ടി ഷെരീഫ് ഓഫീസ് ഡെപ്യൂട്ടികൾ സംഭവസ്ഥലത്ത് കുതിച്ചെത്തിയതായി പൊലീസ് പറഞ്ഞു.
സംശയാസ്പദമായ ഷൂട്ടർ തന്റെ നാല് വാതിലുകളുള്ള പിക്കപ്പ് ട്രക്കിന്റെ പിൻസീറ്റിൽ ഉറങ്ങുകയായിരുന്നു, ആയുധധാരിയാണെന്ന് കരുതുന്ന മറ്റൊരാൾ ട്രക്കിൽ പ്രവേശിച്ച് കൊള്ളയടിക്കാൻ ശ്രമിച്ചു, ഗോൺസാലസ് പറഞ്ഞു.'പാർക്കിങ് ലോട്ടിലെ നിരവധി വാഹനങ്ങൾ മോഷ്ടിക്കുകയായിരുന്നു ലക്ഷ്യം.മോഷണക്കേസിലെ പ്രതി നിരവധി തവണ വെടിയേറ്റ് സംഭവസ്ഥലത്ത് വെച്ച് തന്നെ മരിച്ചു.
കവർച്ച നടത്തിയ പ്രതിക്ക് 20 വയസ്സ് പ്രായമുണ്ടെന്നും പോക്കറ്റിൽ ഒരു ഗ്ലോക്ക് പിസ്റ്റൾ ഉണ്ടായിരുന്നുവെന്നും പിക്കപ്പ് ട്രക്ക് തകർക്കുന്നതിന് മുമ്പ് മറ്റ് മൂന്നോ നാലോ കാറുകൾ തകർക്കാൻ ഉപയോഗിച്ചിരുന്ന ഒരു വലിയ സ്‌ക്രൂഡ്രൈവറും ഉണ്ടായിരുന്നുവെന്ന് ഷെരീഫിന്റെ ഓഫീസ് പറയുന്നു.
തന്റെ ട്രക്കിൽ ഉറങ്ങി വെടിയുതിർത്തയാൾ അന്വേഷണവുമായി സഹകരിക്കുന്നുണ്ടെന്നും ഈ കേസ് ഒരു ഗ്രാൻഡ് ജൂറിക്ക് റഫർ ചെയ്യുമെന്നും പൊലീസ് പറഞ്ഞു.
