സിയാറ്റിൽ:- ജനുവരി 23 ന് മയക്കുമരുന്ന് അമിതമായി ഉപയോഗിച്ച കേസ് അന്വേഷിക്കാൻ 74 മൈൽ വേഗതയിൽ ഓടിച്ച സിയാറ്റിൽ പൊലീസിന്റെ വാഹനം ഇടിച്ചു 23 കാരിയായ ഇന്ത്യൻ അമേരിക്കൻ വിദ്യാർത്ഥിനി ജാഹ്നവി കണ്ടുല മരിച്ച ദാരുണമായ സംഭവത്തിൽ, ഓഫീസർ കെവിൻ ഡേവിനെ എല്ലാ ആരോപണങ്ങളിൽ നിന്നും വിമുക്തനാക്കി
സംഭവത്തിന്റെ തീവ്രത ഉണ്ടായിരുന്നിട്ടും, വാഷിങ്ടൺ സ്റ്റേറ്റ് നിയമപ്രകാരം മതിയായ തെളിവുകളുടെ അഭാവം കാരണം ഓഫീസർ ഡേവ് ക്രിമിനൽ കുറ്റം ചുമത്തില്ലെന്ന് ഫെബ്രുവരി 21 ന് കിങ് കൗണ്ടി പ്രോസിക്യൂട്ടർ ഓഫീസ് പ്രഖ്യാപിച്ചു.
നോർത്ത് ഈസ്റ്റേൺ യൂണിവേഴ്സിറ്റിയിലെ സിയാറ്റിൽ കാമ്പസിലെ മാസ്റ്റേഴ്സ് വിദ്യാർത്ഥിനിയായ ജാഹ്നവി ഇടിയുടെ ആഘാതത്തിൽ 100 അടി താഴ്ചയിലേക്ക് തെറിച്ചുവീണു. ക്രിമിനൽ കുറ്റം ചുമത്തേണ്ടതില്ലെന്ന കോടതിയുടെ തീരുമാനം, നിയമപാലകർ ഉൾപ്പെട്ട കേസുകളിൽ ഉത്തരവാദിത്തത്തെക്കുറിച്ച് ആശങ്ക ഉയർത്തിയിട്ടുണ്ട്.
ഓഫീസർ ഡാനിയൽ ഓഡറർ, ഓഫീസർ ഡേവിനോടൊപ്പം വീഡിയോയിൽ പകർത്തിയ ഭയാനകമായ അഭിപ്രായങ്ങൾ ശക്തമായ അപലപിക്കപ്പെട്ടിരുന്നു . 'എന്നാൽ അവൾ മരിച്ചു' എന്ന് പറയുന്നതും ഫോണിൽ ചിരിക്കുന്നതും ഓഡററുടെ വികാരരഹിതമായ പരാമർശങ്ങളിൽ ഉൾപ്പെടുന്നു. ''അവൾക്ക് എന്തായാലും 26 വയസ്സായിരുന്നു,'' ഓഡറർ വീഡിയോയിൽ പറഞ്ഞു.
സിയാറ്റിൽ പൊലീസ് ഓഫീസേഴ്സ് ഗിൽഡിന്റെ വൈസ് പ്രസിഡന്റായ ഓഫീസർ ഓഡറർ, തന്റെ വിവേകശൂന്യമായ അഭിപ്രായങ്ങളുടെ പേരിൽ അച്ചടക്കനടപടി നേരിടേണ്ടിവരികയും പ്രവർത്തനരഹിതമായ ഒരു സ്ഥാനത്തേക്ക് വീണ്ടും നിയമിക്കപ്പെടുകയും ചെയ്തു. അദ്ദേഹത്തിന്റെ അച്ചടക്കനടപടിയുടെ വാദം മാർച്ച് നാലിന് ഷെഡ്യൂൾ ചെയ്തിട്ടുണ്ട്
Thanks
