ഹൂസ്റ്റൺ : സൗത്ത് വെസ്റ്റ് അമേരിക്കൻ ഭദ്രാസന മർത്തമറിയം വനിതാ സമാജം പതിനാലാമത് വാർഷിക കോൺഫ്രൻസ് 2023 ഒക്ടോബർ 19, 20, 21, 22 തീയതികളിൽ ഹൂസ്റ്റൺ സെന്റ്‌തോമസ് ഓർത്തഡോക്സ് കത്തീണ്ട്രലിൽ നടക്കും. 'കുരിശൂ
രക്ഷയുടെ ആയുധം'' എന്നതാണ് മുഖ്യ ചിന്താവിഷയം. സൗത്ത് വെസ്റ്റ് അമേരിക്കൻ ഭദ്രാസനമെത്രാപൊലീത്ത അഭിവന്ദ്യ ഡോ. തോമസ് മാർ ഈവാനിയോസ് മെത്രാപ്പൊലീത്ത, കോട്ടയംഭദ്രാസന മെത്രാപ്പൊലീത്ത അഭിവന്ദ്യ ഡോ. യൂഹാനോൻ മാർ ദീയസ്‌ക്കോറോസ് മെത്രാപ്പൊലീത്ത,വെരി റെവ.ഫാ. എംപി ജോർജ്ജ് കോർ എപ്പിസ്‌കോപ്പ, ഫാ. അലക്സാണ്ടർ ജെ. കുര്യൻ, ഫാ. മാത്യൂസ് ജോർജ്ജ്, മിസ്സിസ്. സീന മാത്യൂസ് എന്നിവർ വിവിധ സെക്ഷനുകൾക്ക്‌നേതൃത്വം നല്കും. സൗത്ത് വെസ്റ്റ് അമേരിക്കൻ ഭദ്രാസനത്തിലെ അറുപത്തിൽപ്പരം ദേവാലയങ്ങളിൽ നിന്നായി അറുനൂറോളം മർത്തമറിയം വനിതാ സമാജ പ്രതിനിധികൾ പങ്കെടുക്കും.
ഹൂസ്റ്റൺ റീജിയണൽ മർത്തമറിയം വനിതാ സമാജമാണ് ഈ കോൺഫ്രൻസിനു നേതൃത്വംനല്കുന്നത്.
ഫാ. ഡോ. ഐസക്ക് ബി പ്രകാശ് , (വൈസ് പ്രസിഡന്റ്), മിസ്സിസ് സുനു ജോയ് (ജനറൽ സെക്രട്ടറി), മിസ്സിസ് ലിനി ശങ്കരത്തിൽ (ട്രഷറർ), ഫാ: ജോൺസൺ പുഞ്ചക്കോണം ( ഹൂസ്റ്റൺ റീജിണൽപ്രസിഡന്റ്), മിസ്സിസ് സൂസൻ സുജിത്ത് (ഹൂസ്റ്റൺ റീജിണൽ സെക്രട്ടറി) ഫാ. പി എം.ചെറിയാൻ(കോൺഫ്രൻസ് ഡയറക്റ്റർ ) മിസ്സിസ് സൂസി കുരുവിള (കോൺഫ്രൻസ് കൺവീനർ) എന്നിവരുടെനേതൃത്വത്തിൽ വിവിധ കമ്മറ്റികൾ പ്രവർത്തിച്ചു വരുന്നു.
കൂടുതൽ വിവരങ്ങൾക്ക് :
ഫാ.ജോൺസൺ പുഞ്ചക്കോണം (പബ്ലിസിറ്റി കൺവീനർ)
346-332-9998
