മനാമ: ബഹ്‌റൈൻ മാർത്തോമ്മാ ഇടവക സൺഡേ സ്‌കൂളിന്റെ വെക്കേഷൻ ബൈബിൾ സ്‌കൂൾ (വിബിഎസ്) സമാപനം ഇന്ന് വൈകിട്ട് 5.30 മുതൽ ഇസാ ടൗൺ ഇന്ത്യൻ സ്‌കൂൾ ഓഡിറ്റോറിയത്തിൽ നടക്കും. വികാരി റവ. റെഞ്ചി വർഗീസ് മല്ലപ്പള്ളി അധ്യക്ഷത വഹിക്കും.

ബഹ്‌റൈൻ സെന്റ് പീറ്റേഴ്‌സ് യാക്കോബായ ഇടവക വികാരി ഫാ. സജി ജോബ് മുഖ്യാതിഥിയായിരിക്കും. റവ. ജേക്കബ് വി. ജോർജ്, ഇന്ത്യൻ സ്‌കൂൾ ചെയർമാൻ ഏബ്രഹാം ജോൺ, റവ. ടോം ജോൺ, തോമസ് ഏബ്രഹാം എന്നിവർ പ്രസംഗിക്കും. നാലുവയസ്സ് മുതൽ 18 വയസ്സ് പ്രായമുള്ള അഞ്ഞൂറോളം കുട്ടികളാണു വിബിഎസിൽ പങ്കെടുത്തത്.