മീനടം : നാലുമണിക്കാറ്റ് മാതൃകയിൽ മീനടം മാത്തൂർപടി കേന്ദ്രീകരിച്ച് 'വഴിയോരക്കാറ്റ്' എന്ന പേരിൽ ടൂറിസം പദ്ധതിക്ക് തുടക്കമായി. മീനടം വികസനകാര്യ ചർച്ചകൾ എന്ന വാട്‌സാപ്പ് കൂട്ടായ്മയിൽ നിന്നും ഉരിതിരിഞ്ഞ ആശയം മീനാടംകാരായ പ്രവാസികളുടേയും, നാട്ടുകാരുടെയും സഹകരണത്തോടെ പാതയോരങ്ങൾ വൃത്തിയാക്കി തുടക്കം കുറിച്ചു.

മീനടം പഞ്ചായത്ത് പ്രസിഡന്റ് മോനിച്ചൻ കിഴക്കേടം വൃക്ഷതൈ നട്ട് ഉദ്ഘാടനം ചെയ്തു. പാമ്പാടി ബ്ലോക്ക് പഞ്ചായത്ത് മെമ്പർ സിന്ധു വിശ്വൻ, മീനടം പഞ്ചായത്ത് വൈസ് പ്രസിഡന്റ് മിനി ഫിലിപ്പ്, മെമ്പർമാരായ ലാലി വർഗീസ്, റെജി ചാക്കോ, സിന്ധു റെജികുമാർ, സമിതി പ്രസിഡന്റ് ഗിരീന്ദ്രൻ പല്ലാട്ട് തുടങ്ങിയവർ സംസാരിച്ചു.

ബഹുജന പങ്കാളിത്തത്തോട് കൂടി നടന്ന പരിപാടിയുടെ തുടർ പ്രവർത്തനങ്ങൾക്ക് ഒരു കമ്മറ്റി രൂപീകരിച്ചു.

രക്ഷാധികാരി - പഞ്ചായത്തു പ്രസിഡന്റ് (മോനിച്ചൻ കിഴക്കേടം)
പ്രസിഡന്റ് - ഗിരീന്ദ്രൻ നായർ പല്ലാട്ടു
വൈസ് പ്രസിഡന്റ് - ബിജു പല്ലാട്ടു
സെക്രട്ടറി - ജൂബി വര്ഗീസ് വേലംപതിക്കൽ
ജോയിൻ സെക്രട്ടറി -ജേക്കബ് കെ ഡാനിയൽ
ട്രഷറർ വി വി അന്ത്രയോസ് വടക്കേൽ
കോ ഓർഡിനേറ്റർ - സാജൻ സജി മംഗലത്തു.
കൂടിതെ14 അംഗം കമ്മറ്റിയെയും തിരഞ്ഞെടുത്തു.

പൊതുജനങ്ങളുടെയും മീനടംകാരായ പ്രവാസികളുടെയും സഹായസഹകരണങ്ങളോട്കൂടിയാണ് പദ്ധതി പൂർത്തീകരിക്കുന്നത്...

'വഴിയോരക്കാറ്റ്'