തൊടുപുഴ: വില്ലേജ് ബ്രോഡ്കാസ്റ്റിങ് കോർപ്പറേഷന്റെ നിയന്ത്രണത്തിലുള്ള വിബിസി ന്യൂസ് ചാനലിന്റെ മൊബൈൽ ആപ്ലിക്കേഷൻ പുറത്തിറങ്ങി. ഗൂഗിൾ പ്ലേ സ്റ്റോറിൽ ഇത് ഇപ്പോൾ വിബിസി എന്ന പേരിൽ ഫ്രീ ഡൗൺലോഡിങ് ലഭ്യമാണ്. ആൻഡ്രോയ്ഡ് പ്ലാറ്റ് ഫോമിലുള്ള മൊബൈൽ ഫോണുകൾ, ടാബ്ലെറ്റുകൾ, റ്റി വി കൾ, ആൻഡ്രോയ്ഡ് വെയർ തുടങ്ങിയ ഡിവൈസുകളിലും വിബിസി മൊബൈൽ ആപ്പ് ഉപയോഗിക്കുവാൻ സൗകര്യമൊരുക്കിയിട്ടുണ്ട്.

വിബിസി ചാനലിലെ ലൈവ് സംപ്രേഷണവും വിബിസി റേഡിയോയും വാർത്താധിഷ്ഠിത പ്രോഗ്രാമുകളും ഇപ്പോൾ ലോകത്തിന്റെ ഏത് ഭാഗത്തുമുള്ള തൊടുപുഴ നിവാസികൾക്ക് ഈ ആപ്ലിക്കേഷൻ വഴി വളരെ പെട്ടെന്ന് ലഭ്യമാകുന്നു. മൊബൈൽ ആപ്ലിക്കേഷൻ രംഗത്ത് തനത് സംഭാവനകൾ നൽകിക്കൊണ്ടിരിക്കുന്ന തൊടുപുഴയിലെ പ്രമുഖ സ്ഥാപനമായ വി-കോഡ് ഇൻഫോടെക് ആണ് ഈ ആപ്ലിക്കേഷനും വിബിസിക്കുവേണ്ടി പുറത്തിറക്കിയിരിക്കുന്നത്. ഗൾഫ്, യൂറോപ്പ്, അമേരിക്ക എന്നിവിടങ്ങളിലെ തൊടുപുഴ നിവാസികൾ ഇപ്പോൾ തന്നെ ഈ ആപ്ലിക്കേഷനെ കുറിച്ച് നല്ല അഭിപ്രായമാണ് രേഖപ്പെടുത്തിക്കൊണ്ടിരിക്കുന്നത്. വാർത്താചാനലിന് പുറമെ അന്തർദേശീയം, ദേശീയം, കേരളം, ഇടുക്കി വിഭാഗങ്ങളിൽ വാർത്തകളും വിബിസിയുടെ പോർട്ടലിൽ ലഭ്യമാണ്.