തിരുവനന്തപുരം: ഇക്കൊല്ലത്തെ വൊക്കേഷണൽ ഹയർ സെക്കൻഡറി പരീക്ഷാ ഫലം 21ന് പ്രഖ്യാപിക്കും. ഉച്ചയ്ക്ക് 12ന് സെക്രട്ടറിയേറ്റ് ചേമ്പറിലാണ് പ്രഖ്യാപനം. ഫലപ്രഖ്യാപനം കഴിഞ്ഞാൽ ഉടൻ വിദ്യാർത്ഥികൾ നേടിയ സ്‌കോറുകളും ഗ്രേഡുകളും വിദ്യാർത്ഥികളെയും സ്‌കൂൾ അദ്ധ്യാപകരെയും അറിയിക്കുന്നതിനുള്ള വിപുലമായ സംവിധാനങ്ങൾ ഒരുക്കിയിട്ടുണ്ടെന്ന് വകുപ്പ് അറിയിച്ചു. സ്‌കോർ ഷീറ്റുകളുടെ പകർപ്പ് ഡൗൺലോഡ് ചെയ്യുന്നതിനുള്ള സൗകര്യവും ഏർപ്പെടുത്തിയിട്ടുണ്ട്. പരീക്ഷാഫലം www.results.kerala.nic.in, www.keralaresults.nic.in, www.prd.kerala.gov.in, www.itmission.kerala.gov.in എന്നീ വെബ്‌സൈറ്റുകളിൽ നിന്നും ലഭിക്കും.