തിരുവനന്തപുരം: മുഖ്യമന്ത്രി പാലിച്ച കോവിഡ് പ്രോട്ടോക്കോൾ എല്ലാവരും പാലിച്ചാൽ കോവിഡിനെ അകറ്റാമെന്ന് സിപിഎം സംസ്ഥാന ആക്ടിങ് സെക്രട്ടറി എ. വിജയരാഘവൻ. മുഖ്യമന്ത്രി കോവിഡ് പ്രോട്ടോക്കോൾ ലംഘിച്ചെന്നത് ആക്ഷേപം മാത്രമാണ്. മുഖ്യമന്ത്രി പാലിച്ച കോവിഡ് പ്രോട്ടോക്കോൾ എല്ലാവരും പാലിച്ചാൽ നല്ലത്. മുഖ്യമന്ത്രിയെ വേട്ടയാടുന്നത് സിപിഎം നേതാവായതുകൊണ്ടാണെന്നും അദ്ദേഹം പറഞ്ഞു.

എൻഎസ്എസ് സംബന്ധിച്ച സിപിഎം നിലപാടാണ് ദേശാഭിമാനി ലേഖനത്തിൽ വ്യക്തമാക്കിയത്. എൻഎസ്എസ് പറയുന്ന എല്ലാത്തിനോടും പദാനുപദ മറുപടി ആവശ്യമില്ല. തന്നെക്കുറിച്ച് പറയാൻ എൻഎസ്എസിന് അവകാശമുണ്ട്. കേന്ദ്ര മന്ത്രി ആക്ഷേപം ഉന്നയിച്ച് കൊണ്ടെയിരിക്കുന്നു. ആക്ഷേപം ഉന്നയിക്കൽ മന്ത്രിയായി അദ്ദേഹം മാറി.

തെരഞ്ഞെടുപ്പിന് ശേഷം പ്രതിപക്ഷ നേതാവ് തരംതാണ പ്രസ്താവനകൾ ആവർത്തിച്ച് നടത്തുന്നു. ഇത്തരം പ്രസ്താവനകളുടെ അനുരണനമാണ് കേന്ദ്ര സഹമന്ത്രി വി.മുരളീധരന്റെ പ്രസ്താവനയിലും കാണുന്നത്. ഒരേ വാക്കുപയോഗിച്ച് രണ്ട് പേരും മുഖ്യമന്ത്രിയെ കടന്നാക്രമിക്കുകയാണ്. മുൻ മന്ത്രി കെ.ടി ജലീൽ മാതൃകാപരമായ വ്യക്തി ജീവിതത്തിനുടമയാണെന്നും വിജയരാഘവൻ കൂട്ടിച്ചേർത്തു.

 

എ.വിജയരാഘവൻകോവിഡ് പ്രോട്ടോക്കോൾ

മറുനാടന്‍ മലയാളി

    മറുനാടന്‍ മലയാളി ബ്യൂറോ