തോക്ക് കൈയിലേന്തി വിജയ്; പിറന്നാളിന് മണിക്കൂറുകൾ മാത്രം ശേഷിക്കെ ആരാധകർക്ക് ആവേശമായി പുതിയ ചിത്രത്തിന്റെ ഫസ്റ്റ് ലുക്ക് പുറത്ത് വിട്ട് താരം; 'ബീസ്റ്റ്' എത്തുക നെൽസണിന്റെ സംവിധാനത്തിൽ

ചെന്നെ: വിജയിയുടെ സിനിമയുടെ ഒരോ കാര്യങ്ങളും വലിയ ആഘോഷത്തോടെയാണ് ആരാധകർ സ്വീകരിക്കുക.തങ്ങളുടെ പ്രിയതാരത്തിന്റെ പിറന്നാളിന് മണിക്കൂറുകൾ മാത്രം ശേഷിക്കെ ആരാധകർക്ക് ആഘോഷിക്കാൻ വകനൽകി പുതിയ ചിത്രത്തിന്റെ പേരും ഫസ്റ്റ് ലുക്കും പുറത്ത് വിട്ടിരിക്കുകയാണ് വിജയ്. ബീസ്റ്റ് എന്നാണ് വിജയിയുടെ പുതിയ ചിത്രത്തിന്റെ പേര്.

കയ്യിൽ തോക്കുമേന്തി നിൽക്കുന്ന വിജയിയുടെ ചിത്രത്തോട് കൂടിയാണ് പോസ്റ്റർ. ആക്ഷന് പ്രധാന്യം നൽകി നെൽസണിന്റെ സംവിധാനത്തിലാണ് ചിത്രമൊരുങ്ങുക.പൂജ ഹെഗ്‌ഡെയാണ് ചിത്രത്തിലെ നായിക. അനിരുദ്ധ് രവിചന്ദെർ ആണ് സംഗീത സംവിധായകൻ.മലയാളി താരം ഷൈൻ ടോം ചാാക്കോ സിനിമയിൽ ഒരു പ്രധാന കഥാപാത്രമായി എത്തുന്നുണ്ട്.

സൺ പിക്‌ചേഴ്‌സ് ആണ് ചിത്രം നിർമ്മിക്കുന്നത്.