ചുവന്ന തെരുവിലുള്ളവർ നരകത്തിലെ പിശാചാണ് എന്ന് ചിന്തിക്കുന്നവർ കാമഭ്രാന്തെനെന്ന് വിളിച്ചു; ഒറ്റപ്പെടലുകളിൽ നിന്നും യാത്രകളെ പ്രണയിച്ച യുവാവിന്റെ അനുഭവക്കുറിപ്പ് ഇങ്ങനെ

ചെറുപ്പത്തിലെ ഒറ്റപ്പെടലുകളിൽ നിന്ന് യാത്രകളെ പ്രണയിച്ച് തുടങ്ങിയ ഒരു യുവാവിന്റെ അനുഭവക്കുറിപ്പാണ് അപ്പോൾ സമൂഹ മാധ്യമങ്ങളിൽ ചർച്ചയാകുന്നത്. കൂട്ടുകാരും, ബന്ധുക്കളും കളിയാക്കി വിളിച്ച ഭ്രാന്തനെന്ന പേരും പേറിയുള്ള ജീവിതയാത്രകളെ കുറിച്ചാണ് വിൻസ് ഷാസ് എന്ന യുവാവ് ഫേസ്‌ബുക്ക് പോസ്റ്റിൽ പറയുന്നത്. വിൻസിന്റെ കുറിപ്പ്. പക്ഷേ ജീവിതം പലതും പഠിപ്പിക്കുമ്പോൾ ഭ്രാന്തനെന്ന ചിലരുടെ മുൻവിധികളോടും പേരിനോടും പ്രണയമാണെന്ന് വിൻസ് ഫേസ്‌ബുക്കിൽ കുറിച്ചു. വേൾഡ് മലയാളി സർക്കിൾ എന്ന ഫേസ്‌ബുക്ക് സൗഹൃദ കൂട്ടായ്മയിലാണ് വിൻസ് തന്റെ ജീവിതം കുറിച്ചിരിക്കുന്നത്.

ഫേസ്‌ബുക്ക് കുറിപ്പ് വായിക്കാം:

ഒരു ഭ്രാന്തനിൽ നിന്ന് തുടങ്ങിയ യാത്ര...

കൂട്ടുകാരും, ബന്ധുക്കളും കളിയാക്കി വിളിച്ച പേരാണ് ഭ്രാന്തൻ എന്ന്. പിന്നീട് അതൊരു വിളിപ്പേരായി കൂടെ ചേർന്നു. കല്യാണ വീട്, ഉത്സവപ്പറമ്പ്, പൊതുപരിപാടി ഈ ഇടങ്ങളിൽ ഞാൻ പ്രത്യക്ഷപ്പെട്ടാൽ

ടാ പ്രാന്താ എന്നൊരു വിളി ഉറപ്പായും ഉണ്ടാകും. പുറത്തിറങ്ങി നടക്കാൻ മടി ആയിരുന്നു. അതുകൊണ്ട് തന്നെ കൂട്ടുകാരും ഇല്ല. Best friend എന്താണ് എന്ന് പോലും എനിക്ക് അറിയില്ലായിരുന്നു. അറിവില്ലാത്ത പ്രായത്തിൽ കിട്ടിയ പേരായതുകൊണ്ടാകും അന്നൊക്കെ ഈ പ്രാന്തൻ എന്ന വാക്കോർത്തു രാത്രിപകലില്ലാതെ കരഞ്ഞു തീർത്തിട്ടുണ്ട്. അങ്ങനെയിരിക്കാണ് മുംബൈ യാത്ര കഴിഞ്ഞു വന്നു നാട്ടിലെത്തിയെപ്പോൾ പ്രാന്തൻ എന്ന പേരിനു മുമ്പിൽ പുതിയൊരു പദം കൂടി ചേർക്കപ്പെട്ടത്,

കാമഭ്രാന്തൻ എന്നായിരുന്നു ആ പുതിയ പേര്. മുംബൈ ചുവന്ന തെരുവിൽ ജോലി ചെയ്യുന്ന ഒരു സ്ത്രീയെ പരിചയപ്പെട്ടതും, ആ തെരുവിലൂടെയുള്ള യാത്രയെപ്പറ്റിയും വിവരിച്ചിരുന്നു. ആ വിവരണം സോഷ്യൽ മീഡിയയിൽ വൈറൽ ആയിരുന്നു. പുരോഗമനചിന്തയുള്ളവർ ആ വിവരണം ഇരു കൈകളാൽ സ്വീകരിച്ചു.

ചുവന്ന തെരുവിലുള്ളവർ മനുഷ്യരല്ല അവർ നരകത്തിലുള്ള പിശാചാണ് എന്ന് ചിന്തിക്കുന്നവർ അയ്യേ അശ്ലീലം, ഇവന് കാമഭ്രാന്താണ്
എന്ന് പറഞ്ഞു എന്നെ ആക്ഷേപിച്ചു.just കണ്ടാൽ ചെറുപുഞ്ചിരി തരുന്ന സൗഹൃദങ്ങളുടെ പുഞ്ചിരിയും ആ യാത്ര വിവരണത്തിലൂടെ മാഞ്ഞു മറഞ്ഞു.സൗഹൃദങ്ങൾ അധികം ഇല്ലാത്തതുകൊണ്ടാകാം ഞാൻ ഒരുപക്ഷെ യാത്രയെ അധികമായി പ്രണയിച്ചു തുടങ്ങിയത്.ഏറ്റവും പ്രീയപ്പെട്ടത് ട്രെയിൻ യാത്രയാണ്,എനിക്ക് ഏറ്റവും കൂടുതൽ കൂട്ടുകാരെ കിട്ടിയതും ട്രെയിനിലെ യാത്രകളിലൂടെയാണ്. ഒരു ചിരിയിൽ തുടങ്ങി ആ യാത്ര അവസാനിക്കുമ്പോൾ ഉള്ള farewell ലൂടെയൊക്കെ ഞാൻ സൗഹൃദം എന്താണ് എന്ന് ആസ്വദിച്ചിട്ടുണ്ട്.

ഇന്ന് പ്രാന്തൻ എന്ന പേരിനോട് എനിക്ക് പ്രണയമാണ്. ആ പേര് കിട്ടിയതിൽ ഞാൻ അഹങ്കാരത്തോടെ അഭിമാനിക്കുന്നു. കാരണം ഇത്രയും സുന്ദരമായ വാക്ക് വേറെ ഇല്ല. എന്റെ ഭ്രാന്തുകളിലൂടെയുള്ള യാത്ര ഇവർ അനുഭവിച്ചിട്ടില്ല,ആ ഭ്രാന്തുകളിലൂടെയുള്ള യാത്ര കണ്ടു അംഗീകരിച്ചവരുണ്ട്. ആ അംഗികാരം എന്നും എനിക്ക് വിലപ്പെട്ടതാണ്... മരണം വരെ ഒരു ഭ്രാന്തനെപ്പോലെ ജീവിക്കണം. പിന്നെ ഈ മൂന്ന് ഫോട്ടോസ്. അത് ചുമ്മാ പ്രഹസനം. ഒന്ന് ഭ്രാന്തനും, മറ്റേത്ത് ജിമ്മിൽ പോയി തുടങ്ങി എന്നതിന്റെയും കട്ട showoff....

ഈ ഭ്രാന്തൻ സഞ്ചാരിക്കൊപ്പം യാത്ര ചെയ്യാൻ താല്പര്യം ഉള്ളവർ കൂടെ വായോ കൈയിൽ കാശില്ലാന്നോർത്ത് പേടിക്കണ്ട നുമ്മ കൊണ്ട് പോകും. കുറച്ചു പ്രാന്തുകൾ സഹിക്കാൻ ready ആണേൽ വായോ...

ഇങ്ങളെ സ്വന്തം ഭ്രാന്തൻ സഞ്ചാരി...