റോം: റോമിന്റെ ഭരണസാരഥ്യം ഏറ്റെടുക്കാൻ ഉറച്ച് വിർജീനിയ റഗ്ഗി. തലസ്ഥാന നഗരമായ റോമിൽ ഇതുവരെ ഒരു വനിത മേയറായിട്ടില്ല. ആ ചരിത്രം തിരുത്തിയെഴുതാനുള്ള പുറപ്പാടിലാണ് അഭിഭാഷകയായി ജോലി ചെയ്യുന്ന മുപ്പത്തേഴുകാരിയായ വിർജീനിയ. ഫൈവ് സ്റ്റാർ മൂവ്‌മെന്റിന്റെ മേയർ സ്ഥാനാർത്ഥിയാണ് വിർജീനിയ.

ജൂൺ 19ന് തെരഞ്ഞെടുപ്പ് നടക്കുന്നതിന് മുമ്പു തന്നെ എല്ലാ അഭിപ്രായ സർവേകളെല്ലാം വിർജീനിയയ്ക്ക് കൂടുതൽ സാധ്യതയെന്ന് വെളിപ്പെടുത്തുന്നു. ഒട്ടേറെ അസൗകര്യങ്ങളാൽ വീർപ്പുമുട്ടുന്ന നഗരത്തിന് വികസനം ചൂണ്ടിക്കാട്ടിയാണ് വിർജീനിയ തന്റെ തെരഞ്ഞെടുപ്പു പ്രചാരണം നടത്തുന്നത്. നഗരത്തിലെ ഗതാഗതക്കുരുക്കിന് പരിഹാരം കാണാൻ തന്റെ നേതൃത്വത്തിലുള്ള ഭരണത്തിന് സാധിക്കുമെന്നും വിർജീനിയ ഉറപ്പു നൽകുന്നു.