ഒമാനിലെ എക്സ്‌പ്രസ്, ടൂറിസം വിസകൾ പൂർണമായും ഓൺലൈൻ വഴിയാക്കി; ഓൺ അറൈവൽ വിസ നിർത്തലാക്കാനും സാധ്യത
മസ്‌കത്ത്: ഒമാനിൽ എക്സ്‌പ്രസ്, ടൂറിസം വിസകൾ പൂർണമായും ഓൺലൈനായി മാറിയതായി വിമാനത്താവള മാനേജ്‌മെന്റ് കമ്പനി വക്താവ് അറിയിച്ചു. പുതിയ മസ്‌കത്ത് അന്താരാഷ്ട്ര വിമാനത്താവള ടെർമിനലിൽ ഓൺ അറൈവൽ വിസ ലഭിക്കുന്നതിന് താൽക്കാലിക കൗണ്ടറും ഏർപ്പെടുത്തിയുണ്ട്. ഇ-വിസ സംവിധാനത്തെ കുറിച്ച് അറിവില്ലാതെ ഒമാനിലെത്തുന്ന യോഗ്യതയുള്ള രാഷ്ട്രങ്ങളിലെ സഞ്ചാരികൾക്ക് ഈ സേവനം ഉപയോഗിക്കാം. ഇത് വൈകാതെ ഒഴിവാക്കാനാണ് തീരുമാനം.ഇക്കഴിഞ്ഞ 21 മുതലാണ് ടൂറിസ്റ്റ്, എക്സ്‌പ്രസ് വിസകളുടെ അപേക്ഷകൾ സ്വീകരിക്കുന്നതും വിസ അനുവദിക്കുന്നതും പൂർണമായും ഓൺലൈനായി മാറിയത്. ബോധവത്കരണ പ്രവർത്തനങ്ങൾ എല്ലാവരിലേക്കും എത്തുന്നതോടെ ഓൺഅറൈവൽ വിസ കൗണ്ടറുകൾ ഒഴിവാക്കാനാണ് തീരുമാനം. ഇ-വിസയുമായി എത്തുന്നവർക്ക് എമിഗ്രേഷൻ കൗണ്ടറിലെ നീണ്ട ക്യൂ ഒഴിവാക്കുന്നതിനായി ഇ-വിസാ ഗേറ്റുകളും സ്ഥാപിച്ചിട്ടുണ്ടെന്ന് വിമാനത്താവള മാനേജ്മന്റെ് കമ്പനി പ്രതിനിധി പറഞ്ഞു.evisa.rop.gov.com എന്ന വെബ്‌സൈറ്റ് മുഖേനയാണ് ഇ-വിസക്ക് അപേക്ഷിക്കേണ്ടത്. അപേക്ഷ സമർപ്പിക്കുന്നതും ഫീസ് അടക്കുന
മസ്‌കത്ത്: ഒമാനിൽ എക്സ്‌പ്രസ്, ടൂറിസം വിസകൾ പൂർണമായും ഓൺലൈനായി മാറിയതായി വിമാനത്താവള മാനേജ്‌മെന്റ് കമ്പനി വക്താവ് അറിയിച്ചു. പുതിയ മസ്‌കത്ത് അന്താരാഷ്ട്ര വിമാനത്താവള ടെർമിനലിൽ ഓൺ അറൈവൽ വിസ ലഭിക്കുന്നതിന് താൽക്കാലിക കൗണ്ടറും ഏർപ്പെടുത്തിയുണ്ട്.
ഇ-വിസ സംവിധാനത്തെ കുറിച്ച് അറിവില്ലാതെ ഒമാനിലെത്തുന്ന യോഗ്യതയുള്ള രാഷ്ട്രങ്ങളിലെ സഞ്ചാരികൾക്ക് ഈ സേവനം ഉപയോഗിക്കാം. ഇത് വൈകാതെ ഒഴിവാക്കാനാണ് തീരുമാനം.ഇക്കഴിഞ്ഞ 21 മുതലാണ് ടൂറിസ്റ്റ്, എക്സ്‌പ്രസ് വിസകളുടെ അപേക്ഷകൾ സ്വീകരിക്കുന്നതും വിസ അനുവദിക്കുന്നതും പൂർണമായും ഓൺലൈനായി മാറിയത്. ബോധവത്കരണ പ്രവർത്തനങ്ങൾ എല്ലാവരിലേക്കും എത്തുന്നതോടെ ഓൺഅറൈവൽ വിസ കൗണ്ടറുകൾ ഒഴിവാക്കാനാണ് തീരുമാനം.
ഇ-വിസയുമായി എത്തുന്നവർക്ക് എമിഗ്രേഷൻ കൗണ്ടറിലെ നീണ്ട ക്യൂ ഒഴിവാക്കുന്നതിനായി ഇ-വിസാ ഗേറ്റുകളും സ്ഥാപിച്ചിട്ടുണ്ടെന്ന് വിമാനത്താവള മാനേജ്മന്റെ് കമ്പനി പ്രതിനിധി പറഞ്ഞു.evisa.rop.gov.com എന്ന വെബ്‌സൈറ്റ് മുഖേനയാണ് ഇ-വിസക്ക് അപേക്ഷിക്കേണ്ടത്. അപേക്ഷ സമർപ്പിക്കുന്നതും ഫീസ് അടക്കുന്നതും രസീത് പ്രിന്റ് ചെയ്‌തെടുക്കുന്നതുമായ മൂന്നു സ്‌റ്റെപ്പുകൾ മാത്രമാണ് അപേക്ഷയിലുള്ളത്. അഞ്ചു മിനിറ്റിനുള്ളിൽ തന്നെ ഇത് പൂർത്തിയാകുമെന്നും ആർ.ഒ.പി വക്താവ് പറഞ്ഞു.
