ഹ്യൂസ്റ്റൻ: ഗ്രെയിറ്റർ ഹ്യൂസ്റ്റനിലെ മിസൗറി സിറ്റിയിലുള്ള വാട്ടർഫോർഡ് മലയാളി കമ്മ്യൂണിറ്റിയുടെ ക്രിസ്തുമസ്-പുതുവർഷ ആഘോഷപരിപാടികൾ അതീവ ഹൃദ്യവും ആകർഷകവുമായി. ജനുവരി 7-)0 തീയതി വൈകുന്നേരം സ്റ്റാഫോർഡിലെ സെന്റ് പീറ്റേർസ് മലങ്കര കാത്തലിക് ദേവാലയ ഓഡിറ്റോറിയത്തിൽ വച്ചായിരുന്നു ആഘോഷങ്ങൾ.

വാട്ടർ ഫോർഡ് മലയാളി കമ്മ്യൂണിറ്റി പ്രസിഡന്റ് ബിനു സക്കറിയ ഏവർക്കും സ്വാഗതമർപ്പിച്ച് പ്രസംഗിച്ചു. പ്രോഗ്രാം കോ-ഓർഡിനേറ്റർ ജീമോൻ നെടുംപറമ്പിൽ വിവിധ പരിപാടികൾക്ക് ആമുഖം നൽകുകയും അവതാരകനായി പ്രവർത്തിക്കുകയും ചെയ്തു. എ.സി. ജോർജ് ക്രിസ്തുമസ്-പുതുവൽസര സന്ദേശം നൽകി. സേവ്യർ കുര്യാപ്പിള്ളി ആശംസയർപ്പിച്ചു.

ക്രിസ്തുമസ് നവവൽസര ആഘോഷങ്ങളെ അവിസ്മരണീയമാക്കിയ വൈവിധ്യമേറിയ കലാ പ്രകടനങ്ങളായ കരോൾ ഗാനങ്ങൾ, ലളിതഗാനങ്ങൾ, കാവ്യശിൽപ്പങ്ങൾ, ഉപകരണ സംഗീതം, നൃത്തങ്ങൾ എല്ലാം അതീവ ഹൃദ്യവും ആനന്ദകരവുമായിരുന്നു.

വാട്ടർഫോർഡ് മലയാളി കമ്മ്യൂണിറ്റിയുടെ മുതിർന്നവരും കൊച്ചു കലാകാരന്മാരും കലാകാരികളുമായ ബിയമോൾ, അനൂപ്, ആഷ്ലി തോമസ്, മീരബെൽ മനോജ്, ഐറീൻ സക്കറിയ, ജൂലിയാ റോൺസി, സെബാൻ സാം കോട്ടയം, ഏലിയാസ് വർക്കി, ജാക്ക് സെബാൻ, നവീൻ ജോസഫ, സണ്ണി ജോസഫ്, ജീമോൻ, മനോജ്, ഡൈജൂ തുടങ്ങിയവരാണ് വിവിധ കലാപരിപാടികൾ അവതരിപ്പിച്ചത്. ഷാജി ജോർജ് കല്ലൂർ നന്ദിപ്രസംഗം നടത്തി.

വാട്ടർഫോർഡ് മലയാളി കമ്മ്യൂണിറ്റിയുടെ 2017 വർഷത്തേക്കുള്ള പ്രവർത്തക സമിതിയേയും ഏകകണ്ഠമായി തെരഞ്ഞെടുത്തു. എബ്രഹാം വർഗ്ഗീസ് (പ്രസിഡന്റ്), ജോസ് മാത്യു (വൈസ് പ്രസിഡന്റ്), റോൺസി ജോർജ് (സെക്രട്ടറി), ബിജിനോസ് സേവ്യർ (ജോയിന്റ് സെക്രട്ടറി), ഷിബു ജോൺ (ട്രഷറർ), ഡൈജു മുട്ടത്ത് (ജോയിന്റ് ട്രഷറർ), മൻജു മനോജ് (പ്രോഗ്രാം കോ-ഓർഡിനേറ്റർ), സോണി സൈമൺ (ഫുഡ് കോ-ഓർഡിനേറ്റർ), എന്നിവരെ തെരഞ്ഞെടുത്ത് ചുമതലപ്പെടുത്തി. ക്രിസ്തുമസ് - പുതുവൽസര സമൂഹ ഡിന്നറോടെ ആഘോഷങ്ങൾ പര്യവസാനിച്ചു.