ദിലീപിന്റെ പുതിയ ചിത്രം വെൽക്കം ടു സെൻട്രൽ ജയിലിന്റെ ഔദ്യോഗിക ഫസ്റ്റ് ലുക്ക് പോസ്റ്റർ പുറത്തിറങ്ങി. മറഡോണ, സച്ചിൻ തെൻഡുൽക്കർ, മെസി, പെലെ തുടങ്ങി പത്താം നമ്പരുകാരായ ഇതിഹാസ താരങ്ങളെ പോലെ ജയിയിൽ താനും പത്താം നമ്പരാണെന്ന് സൂചിപ്പിക്കുന്ന ദിലീപ് കഥാപാത്രത്തെയാണ് പോസ്റ്ററിൽ ചിത്രീകരിച്ചിരിക്കുന്നത്.

ബെന്നി പി. നായരമ്പലം തിരക്കഥ എഴുതി സുന്ദർദാസ് സംവിധാനം ചെയ്യുന്ന ചിത്രമാണ് വെൽക്കം ടു സെൻട്രൽ ജയിൽ. വേദികയാണ് ചിത്രത്തിൽ ദിലീപിന്റെ നായികയാകുന്നത്. രഞ്ജി പണിക്കർ, കൈലാഷ്, സുരാജ് വെഞ്ഞാറമ്മൂട്, തെസ്നി ഖാൻ തുടങ്ങിയവരാണ് ചിത്രത്തിലെ മറ്റ് താരങ്ങൾ.

പതിമൂന്ന് വർഷത്തിന് ശേഷം ദിലീപും സുന്ദർദാസും ഒരുമിക്കുന്ന ചിത്രമാണ് വെൽക്കം ടു സെൻട്രൽ ജയിൽ.