തദ്ദേശ തെരഞ്ഞെടുപ്പ്: വെൽഫെയർ പാർട്ടി ടൈറ്റിൽ ലോഗോ പ്രകാശനം ചെയ്തു

കൊടിയത്തൂർ: ത്രിതല പഞ്ചായത്ത് തിരഞ്ഞെടുപ്പ് കാമ്പയിനുവേണ്ടി വെൽഫെയർ പാർട്ടി കൊടിയത്തൂർ പഞ്ചായത്ത് കമ്മിറ്റി തയ്യാറാക്കിയ 'ജനങ്ങൾക്കൊപ്പം, ജനക്ഷേമരാഷ്ട്രീയം' കാമ്പയിൻ ടൈറ്റിൽ ലോഗോ പ്രകാശനം ഷോർട്ട് ഫിലിം സംവിധായകൻ സലാം കൊടിയത്തൂർ നിർവഹിച്ചു. വെൽഫെയർ പാർട്ടി സംസ്ഥാന സെക്രട്ടറി പി.കെ അബ്ദുർറഹ്മാൻ ഉദ്ഘാടനം ചെയ്തു. ജില്ലാ പ്രസിഡന്റ് അസ്ലം ചെറുവാടി മുഖ്യ പ്രഭാഷണം നിർവഹിച്ച ചടങ്ങിൽ പാർട്ടി പഞ്ചായത്ത് കമ്മിറ്റി പ്രസിഡന്റ് ജ്യോതി ബസു കാരക്കുറ്റി അധ്യക്ഷത വഹിച്ചു. ഇലക്ഷൻ കൺവീനർ ശംസുദ്ദീൻ ചെറുവാടി, മണ്ഡലം മീഡിയ സെക്രട്ടറി സാലിം ജീറോഡ്, വനിതാ കൺവീനർ പി.കെ ഹാജറ, പി.ആർ സെക്രട്ടറി റഫീഖ് കുറ്റ്യോട്ട്, സൽജാസ് അബ്ദുസ്സലാം എന്നിവർ സംബന്ധിച്ചു.