ട്രെയിൻ യാത്രക്കാരെ വലച്ചുകൊണ്ട് വെല്ലിങ്ടണിൽ വ്യാഴാഴ്‌ച്ച റെയിൽവേ ജീവനക്കാരുടെ സമരം. 24 മണിക്കൂറാണ് സമരം പ്രഖ്യാപിച്ചിരിക്കുന്നത്. ജോലിയിലെ സേവന വ്യവസ്ഥകളിൽ മാറ്റം ആവശ്യപ്പെട്ടാണ് റെയിൽവേ ജീവനക്കാർ സമരം പ്രഖ്യാപിച്ചിരിക്കുന്നത്.

വ്യാഴാഴ്‌ച്ച ഉച്ചയ്ക്ക് രണ്ട് മണിക്കാണ് സമരം ആരംഭിക്കുക. സമരം മൂലം 30,000ത്തോളം യാത്രക്കാർ വലയും. അതിനാൽ വ്യാഴാഴ്‌ച്ച യാത്ര നടത്തേണ്ട യാത്രക്കാർ പകരം സംവിധാനം ഏർപ്പെടുത്തണമെന്നും ട്രാഫിക് ഗതാഗതം രൂക്ഷമാകാൻ സാധ്യത കാണുന്നുണ്ടെന്നും അധികൃതർ മുന്നറിയിപ്പ് നല്കി.