ഡബ്ലിൻ: വേൾഡ് മലയാളി കൗൺസിൽ അയർലണ്ട്  പ്രോവിൻസിന്റെ  ക്രിസ്മസ് പുതുവത്സരാഘോഷങ്ങളിൽ ഇന്ത്യൻ അംബാസിഡർ രാധികാ ലാൽ ലോകേഷ്  മുഖ്യാതിഥിയാകും.  ഡബ്ല്യു.എം.സി യുടെ 'നൃത്താഞ്ജലി ആൻഡ് കലോത്സവം 2015' ന്റെ സമ്മാനവിതരണവും  ഇന്ത്യൻ അംബാസിഡർ  നിർവഹിക്കും.

ഡബ്ല്യു.എം.സി യുടെ ക്രിസ്മസ് പുതുവത്സരാഘോഷം ഡിസംബർ 27,  ഞായറാഴ്ച ഗ്രിഫിത്ത് അവന്യുവിലുള്ള   'Scoil Mhuire National Boys School'   ഹാളിലാണ് ക്രമീകരിച്ചിരിക്കുന്നത്. വൈകിട്ട് 4.00 മണി മുതൽ നടക്കുന്ന ചടങ്ങിൽ    'നൃത്താഞ്ജലി ആൻഡ് കലോത്സവം 2015' വിജയികൾക്കും, കലാതിലകത്തിനും കലാപ്രതിഭയ്ക്കുമുള്ള  ട്രോഫിയും സർട്ടിഫിക്കറ്റുകളും അംബാസിഡർ  വിതരണം ചെയ്യും.

'നൃത്താഞ്ജലി  & കലോത്സവം 2015' ലെ മികച്ച ഇനങ്ങൾ  സ്‌റ്റേജിൽ അവതരിപ്പിക്കപ്പെടും. സാന്താ ക്ലോസിന്റെ സന്ദർശനം, ക്രിസ്മസ് കാരോൾ ഗാനങ്ങൾ, കോളേജ്  വിദ്യാർത്ഥികളുടെ  ടീമിന്റെ ഫ്യൂഷൻ കലാ പ്രകടനം തുടങ്ങിയവയും ആഘോഷങ്ങളിൽ മുഖ്യആകർഷകങ്ങളാവും.

ക്രിസ്മസ് പുതുവത്സരാഘോഷത്തിന്റെ പ്രവേശനം സൗജന്യമായിരിക്കും. ഇന്ത്യൻ അംബാസിഡർ  പങ്കെടുക്കുന്ന ഈ ചടങ്ങിലേയ്ക്ക്  എല്ലാ മലയാളികളെയും സ്വാഗതം ചെയ്യുന്നതായി സംഘാടകർ അറിയിച്ചു

വിഭവ സമൃദ്ധമായ  ക്രിസ്മസ് ഡിന്നറിനുള്ള ടിക്കറ്റ് സംഘാടകരിൽ നിന്നും ലഭ്യമാണ്. ഡബ്ല്യു.എം.സി വൈസ് ചെയർമാൻ ബിനോ ജോസാണ് ക്രിസ്മസ് പുതുവത്സരാഘോഷത്തിന്റെ കോഡിനേറ്റർ. കൂടുതൽ വിവരങ്ങൾക്കും ഫുഡ് കൂപ്പണുകൾക്കും   ബാബു ജോസഫ് ,സ്വോഡ്‌സ് (0876694305),കിങ് കുമാർ വിജയരാജൻ (0872365378), എൽദോ തോമസ് (0871717138) എന്നിവരുമായി ബന്ധപ്പെടുക.