ഡബ്ല്യു എം സി അയർലണ്ട് പ്രോവിൻസിന്റെ ഈ വർഷത്തെ പരിപാടികൾ പ്രഖ്യാപിച്ചു
ഡബ്ലിൻ: വേൾഡ് മലയാളീ കൗൺസിൽ അയർലണ്ട് പ്രോവിൻസ് ഈ വർഷം നടത്തുന്ന പ്രധാന പരിപാടികളുടെ തീയതികൾ പ്രഖ്യാപിച്ചു. ഡബ്ല്യു.എം.സി യുടെ 'നൃത്താഞ്ജലി ആൻഡ് കലോത്സവം 2015' (Dublin International Arts Festival for people of Indian origin) , 31 ഒക്ടോബർ (ശനി), 1 നവംബർ (ഞായർ) തീയതികളിൽ ഗ്രിഫിത്ത് അവന്യുവിലുള്ള 'Scoil Mhuire National Boys School' വേദിയിൽ അരങ്ങേറും. കഴിഞ്ഞ അഞ്ചു വർഷങ്ങളായി കേരളത്തിലെ സ്‌കൂൾ യുവജനോ
ഡബ്ലിൻ: വേൾഡ് മലയാളീ കൗൺസിൽ അയർലണ്ട് പ്രോവിൻസ് ഈ വർഷം നടത്തുന്ന പ്രധാന പരിപാടികളുടെ തീയതികൾ പ്രഖ്യാപിച്ചു. ഡബ്ല്യു.എം.സി യുടെ 'നൃത്താഞ്ജലി ആൻഡ് കലോത്സവം 2015' (Dublin International Arts Festival for people of Indian origin) , 31 ഒക്ടോബർ (ശനി), 1 നവംബർ (ഞായർ) തീയതികളിൽ ഗ്രിഫിത്ത് അവന്യുവിലുള്ള 'Scoil Mhuire National Boys School' വേദിയിൽ അരങ്ങേറും.
കഴിഞ്ഞ അഞ്ചു വർഷങ്ങളായി കേരളത്തിലെ സ്‌കൂൾ യുവജനോത്സവ മാതൃകയിൽ അരങ്ങേറുന്ന മത്സരങ്ങളിൽ ഇത്തവണ ലോകമെമ്പാടുമുള്ള ഇന്ത്യൻ വംശജരായ കുട്ടികൾക്കും പങ്കെടുക്കാൻ അവസരം ഉണ്ടാകും. ഡബ്ല്യു.എം.സിയുടെ എക്‌സിക്യൂട്ടീവ് കൗൺസിൽ അംഗമായ സെറിൻ ഫിലിപ്പ് ആണ് ഈ വർഷത്തെ 'നൃത്താഞ്ജലി ആൻഡ് കലോത്സവം 2015' ന്റെ കോർഡിനേറ്റർ.
ഡബ്ല്യു.എം.സി യുടെ 'ക്രിസ്തുമസ് പുതുവത്സരാഘോഷവും' 'നൃത്താഞ്ജലി & കലോത്സവം 2015' സമ്മാന വിതരണവും 27 ഡിസംബർ (ഞായർ) ന് ഗ്രിഫിത്ത് അവന്യുവിലുള്ള 'Scoil Mhuire National Boys School' വേദിയിൽ നടത്തപ്പെടുന്നതാണ്. ഡബ്ല്യു.എം.സിയുടെ എക്‌സിക്യൂട്ടീവ് കൗൺസിൽ അംഗമായ ബിനോ ജോസ് ആണ് ഈ വർഷത്തെ ' 'ക്രിസ്തുമസ് പുതുവത്സരാഘോഷ' ത്തിന്റെ കോർഡിനേറ്റർ.
ഡബ്ല്യു.എം.സി യുടെ ഓണം, സമ്മർ ഫൺഡേ, ഫാമിലി ടൂർ തുടങ്ങിയവയുടെ തീയതികൾ പിന്നീട് പ്രഖ്യാപിക്കും. ഡബ്ല്യു.എം.സി യുടെ മുൻ വർഷങ്ങളിലെ എല്ലാ പരിപാടികളോടും നിർലോഭമായി സഹകരിച്ച അയർലണ്ടിലെ എല്ലാ മലയാളികൾക്കും നന്ദി രേഖപ്പെടുത്തുന്നതിനൊപ്പം തുടർന്നും സഹകരണം അഭ്യർത്ഥിക്കുന്നതായി സംഘാടകർ അറിയിച്ചു.
