ഹ്യൂസ്റ്റൺ: വേൾഡ് മലയാളീ കൗൺസിൽ അമേരിക്ക റീജിയൻ ദ്വിവത്സര സമ്മേളനവും സിൽവർ ജൂബിലി സമ്മേളനവും നവംബർ 8ന് സെൻട്രൽ ടൈം രാവിലെ 11 മണിക്ക് വെർച്ച്യുൽ സൂം മീറ്റിംഗിലുടെ കേരള നിയമസഭാ സ്പീക്കർ പി ശ്രീരാമകൃഷ്ണൻ നിർവ്വഹിക്കും. സമ്മേളനത്തിൽ തിരുവതാംകൂർ രാഞ്ജി ഗൗരി പാർവതി ബായ്, റിട്ടയേർഡ് ജസ്റ്റിസ് കുര്യൻ ജോസഫ്, മുൻ അംബാസിഡർ ടി പി ശ്രീനിവാസൻ, സിനിമ സംവിധായകൻ ബി. ഉണ്ണി കൃഷ്ണൻ, വേൾഡ് മലയാളി കൗൺസിൽ ഗ്ലോബൽ നേതാക്കളായ എ വി അനുപ്, ജോണി കുരുവിള, ടി പി വിജയൻ, സി യു മത്തായി, ഐസക് ജോൺ പട്ടാണി പറമ്പിൽ, പോൾ പാറപ്പളി, ഷാജി മാത്യു, ചാൾസ് പോൾ, സി പി രാധാകൃഷ്ണൻ, രാജീവ് നായർ, ഡേവിസ് തെക്കുംതല, സിസിലി ജേക്കബ്, ജോസഫ് കില്ലിയൻ, ബേബി മാത്യു സോമതീരം, തങ്കമണി ദിവാകരൻ, ശാന്ത പോൾ, സ്ഥാപക നേതാക്കൾ ആയ ആൻഡ്രൂ പാപ്പച്ചൻ, തോമസ് മാത്യു, ജോൺ പണിക്കർ, അലക്‌സ് വിളനിലം, വർഗീസ് തെക്കേകര, ഡോ ജോർജ്ജ് ജേക്കബ്ബ് ഫോമാ പ്രെസിഡന്റ് അനിയൻ ജോർജ്ജ്, ഫൊക്കാന നേതാവ് മാധവൻ നായർ, പ്രസ് ക്ലബ് ചെയർമാൻ ഡോ തോമസ് ചാലിൽ എന്നിവർ പങ്കെടുക്കും.

അമേരിക്കയിലെ മാത്രമല്ല ലോകമെമ്ബാടുനിന്നും ബിസിനസ് രംഗത്തുള്ള മലയാളികളും പ്രതിഭകളും വൾഡ് മലയാളി കൗൺസിൽ ഗ്ലോബൽ റീജിയൻ നേതാക്കളും സാഹിത്യകാരന്മാരും പത്ര പ്രവർത്തകരും കോൺഫെറെൻസിൽ പങ്കെടുക്കുമെന്ന് അമേരിക്ക റീജിയൻ പ്രസിഡന്റ് ജെയിംസ് കൂടൽ അറിയിച്ചു. 1995 ജൂലൈ 3 ന് ന്യൂ ജേഴ്സി യിൽ ആരംഭിച്ച വേൾഡ് മലയാളി കൗൺസിലിന് ആറു റീജിയനുകളിലായി 70ൽപ്പരം പ്രൊവിൻസ് ഉണ്ട്

ആയിരത്തി തൊള്ളായിരത്തി തൊണ്ണൂറ്റി അഞ്ചിൽ ന്യൂ ജേഴ്സിയിൽ നട്ടു വളർന്ന്, രാഷ്ട്രീയത്തിനും ജാതി മത മതിലുകൾക്കുമപ്പുറം ലോകമെമ്ബാടുമുള്ള മലയാളികളെ ഒരു വൃക്ഷത്തണലിൽ കൊണ്ടുവരുക എന്ന ലക്ഷ്യത്തോടെ പരേതരായ ടി. എൻ. ശേഷൻ, ഡോ. ബാബു പോൾ, മലയാളി ശാസ്ത്രജ്ഞൻ ആയിരുന്ന ഡോ. സുദർശൻ, ഡോ. ശ്രീധർ കാവിൽ മുതലായ മറ്റു നേതാക്കൾ കൈ തൊട്ടനുഗ്രഹിച്ച പ്രസ്ഥാനം ഇരുപത്തി അഞ്ചു വയസ്സ് തികയുകയാണെന്നു അമേരിക്ക റീജിയൻ ചെയർമാൻ ശ്രീ കൂടൽ പറഞ്ഞു. ഫൗണ്ടർ മാരിൽ പലരും ഇപ്പോഴും ജീവിച്ചിരിക്കുന്നു എന്ന് അദ്ദേഹം പറഞ്ഞു. ജീവിച്ചിരിക്കുന്ന ഫൗണ്ടർ മാരെ കോണ്ഫറന്സില് ആദരിക്കണമെന്നു കോൺഫറൻസ് കമ്മിറ്റി ജനറൽ കൺവീനർ സിനു നായർ അറിയിച്ചു

അമേരിക്കയിൽ വേൾഡ് മലയാളി കൗൺസിലിന്റെ വേരുകൾ കാനഡ മുതൽ ടെക്സസ് വരെ പത്തു പ്രൊവിൻസുകളിലായി വ്യാപിച്ചു കിടക്കുന്നു . പ്രസിദ്ധ നാടൻ പാട്ടുകാരി പ്രസീദ ചാലക്കുടി യുടെ ലൈവ് ുപോഗ്രാം ബീന സുധർമൻ അവതരിപ്പിക്കുന്ന മോഹിനിയാട്ടവും നിമ്മി ദാസ് അവതരിപ്പിക്കുന്ന കുച്ചിപ്പുടി യും കോണ്ഫ്രന്‌സിനെ കൂടുതൽ ആകർഷമാക്കുമെന് കോൺഫ്രൻസ് കോഡിനേറ്റർ മാരായ ജിനേഷ് തമ്പി ,പ്രകാശ് ജോസഫ് എന്നിവർ അറിയിച്ചു . സിൽവർ ജൂബിലി യുടെ ഭാഗമായി കേരളത്തിൽ നടപ്പിലാക്കുന്ന ഗ്ലോബൽ വില്ലേജ് പ്രോജെക്ടിന് അമേരിക്കയിൽ നിന്നും 6 വീടുകൾ നിർമ്മിച്ച് നൽകുമെന്ന് ഗ്ലോബൽ നേതാക്കളായ എസ് കെ ചെറിയാൻ ,തങ്കം അരവിന്ദ് എന്നിവർ അറിയിച്ചു

കോൺഫ്രൻസിനോടനുബന്ധിച്ച് അടുത്ത രണ്ടു വർഷത്തേക്കുള്ള ഭരണസമിതിയെ തെരെഞ്ഞടുക്കുന്നതിനുള്ള നടപടികൾ റീജിയൻ ഇലക്ഷൻ കമ്മീഷണർ രജനീഷ് ബാബു വിന്റെ നേതൃത്വത്തിൽ തുടങ്ങിയതായും കോൺഫ്രൻസിൽ വെച്ച് പുതിയ ഭാരവാഹികളെ തെരെഞ്ഞെടുക്കുമെന്ന് റീജിയൻ നേതാക്കളായ ഹരി നമ്പൂതിരി, ഡോ ഗോപിനാഥാൻ നായർ, വർഗീസ് പി എബ്രഹാം എന്നിവർ അറിയിച്ചു.

വേൾഡ് മലയാളി കൗൺസിൽ