ഹൂസ്റ്റൺ: സതേൺ റീജണൽ ഫാമിലി ആൻഡ് യൂത്ത് കോൺഫ്രൻസിന്റെ രജിസ്‌ട്രേഷൻ കിക്ക്ഓഫ് സ്റ്റാഫോർഡ് സെന്റ് തോമസ് ഓർത്തഡോക്‌സ് കത്തീഡ്രലിൽ റവ. ഗീവർഗീസ് അരൂപ്പാല കോർഎപ്പിസ്‌കോപ്പ ആദ്യ രജിസ്‌ട്രേഷൻ സ്വീകരിച്ച് ഉദ്ഘാടനം നിർവഹിച്ചു. കോൺഫ്രൻസ് ഡെപ്യൂട്ടി ഡയറക്ടർ ഫാ. ജോയൽ മാത്യു, ചാർളി പടനിലം (കൗൺസിൽ മെമ്പർ), ബേബി തോമസ് (അസംബ്ലി മെമ്പർ) എന്നിവർ കോൺഫ്രൻസിന്റെ വിശദാംശങ്ങൾ വിശദീകരിച്ചു.

ജൂൺ 29 മുതൽ ജൂലൈ രണ്ടുവരെ ഓസ്റ്റിൻ ഹൈലാൻഡ് ലേക്ക് ആൻഡ് കോൺഫ്രൻസിൽ നടക്കുന്ന കോൺഫ്രൻസ് അഭി. അലകസിയോസ് മാർ യൗസബിയോസ് മെത്രാപ്പൊലീത്ത ഉദ്ഘാടനം ചെയ്യും. മലങ്കര ഓർത്തഡോക്‌സ് സഭയുടെ ഹ്യുമൻ റിസോഴ്‌സ് ഡെപ്യൂട്ടി സെക്രടറി ഫാ. പി.എ. ഫിലിപ്പ് മുഖ്യ പ്രസംഗകൻ ആയിരിക്കും.

റിപ്പോർട്ട്: ചാർളി വർഗീസ്