കഞ്ചാവ് വലിച്ചു കൊണ്ടു നിന്ന യുവാക്കളെ പൊലീസ് ഓടിച്ചിട്ട് പിടികൂടി; നാല് പൊതികളിൽ നിന്നായി ഇരുപത്തിയഞ്ചു ഗ്രാം കഞ്ചാവും കണ്ടെടുത്തു

പെരുമ്പാവൂർ: കഞ്ചാവ് വലിച്ചു കൊണ്ടു നിന്ന യുവാക്കളെ പൊലീസ് ഓടിച്ചിട്ട് പിടികൂടി. അല്ലപ്ര സ്വദേശി അർജുൻ (20), വളയൻ ചിറങ്ങര സ്വദേശികളായ അഭി (24), അക്ഷയ് (24), റിച്ചാർഡ് (19) എന്നിവരെയാണ് റൂറൽ ജില്ലയിലെ ഡിസ്ടിക്റ്റ് ആന്റി നാർക്കോട്ടിക്ക് സ്‌പെഷ്യൽ ആക്ഷൻ ഫോഴ്‌സും, കുന്നത്തുനാട് പൊലീസും ചേർന്ന് പിടികൂടിയത്.

ഇവരിൽ നിന്ന് നാല് പൊതികളിൽ നിന്നായി ഇരുപത്തിയഞ്ചു ഗ്രാം കഞ്ചാവും കണ്ടെടുത്തു. ജില്ലാ പൊലീസ് മേധാവി കെ. കാർത്തിക്കിന് ലഭിച്ച രഹസ്യ വിവരത്തെ തുടർന്ന് സ്ഥലവും, ഉപയോഗിക്കുന്നവരും പൊലീസിന്റെ നിരീക്ഷണത്തിലായിരുന്നു. ഐരാപുരത്തുള്ള അക്വഡേറ്റും പരിസരവുമാണ് ഇവരുടെ താവളം.

അർജുനൻ ആണ് കഞ്ചാവ് കൊണ്ടുവന്നത്. ഒരു പൊതിക്ക് 500 രൂപ വച്ചാണ് വിൽക്കുന്നത്. പൊലീസ് വരുന്നതു കണ്ട് ഓടിരക്ഷപ്പെടാൻ ശ്രമിച്ചെങ്കിലും പൊലീസ് പിൻതുടർന്ന് പിടികൂടുകയായിരുന്നു.