മുംബൈ: ചക് ദേ ഇന്ത്യ എന്ന സൂപ്പർ ഹിറ്റ് ചിത്രത്തിൽ ഹോക്കിയെ പ്രണയിക്കുന്ന താരമായി അഭിനയിച്ചത് സാഗരിഖ ഗാട്‌ഗെയെന്ന നടിയായിരുന്നു. ആ നടി ക്രിക്കറ്റിനെ പ്രണയിക്കുന്ന യുവാവുമായി വിവാഹത്തിന് ഒരുങ്ങുന്നു. ഇന്ത്യൻ ക്രിക്കറ്റ് താരമായിരുന്ന സഹീർ ഖാനാണ് ആ യുവാവ്. ഏറെക്കാലമായുള്ള പ്രണയത്തിന് ശേഷം സാഗരികയും സഹീറും വിവാഹിതരാകാൻ ഒരുങ്ങുകയാണ്. ദ്വീർഘകാലത്തെ പ്രണയം പരസ്യമായി അംഗീകരിച്ചു ഇരുവരും.

വിവാഹ നിശ്ചയം കഴിഞ്ഞുവെന്ന വിവരം സഹീർ ഖാനാണ് ഫേസ്‌ബുക്കിലൂടെ പരസ്യപ്പെടുത്തിയത്. ഇക്കാര്യം സാഗരികയും വ്യക്തമാക്കിയതോടെ സുഹൃത്തുക്കൾ ട്വിറ്ററിലൂടെ ആശംസകൾ ചൊരിഞ്ഞെത്തി. ഏറെക്കാലമായി പൊതുപരിപാടികളിലും മറ്റും ഒരുമിച്ചായിരുന്നു ഇവർ എത്തിയിരുന്നത്. ഇതോടെ ഗോസിപ്പുകളും പിന്നാലെയെത്തി.

എന്നാൽ ഗോസിപ്പുകളെ ശരിവെക്കുകയാണ് ഇവർ ചെയ്തത്. തങ്ങളുടെ പ്രണയത്തിനു അത്ര തീവ്രമായ രഹസ്യസ്വഭാവം നൽകിയിരുന്നില്ല എന്നുള്ളതും ശ്രദ്ധേയമാണ്. ഗോസിപ്പുകളെ അവർ പോസിറ്റീവായി കണ്ടു. ഒരു സിനിമ റിലീസിനിടെ സാഗരിക ഈ ബന്ധത്തെക്കുറിച്ച് അനുകൂലമായി സംസാരിച്ചിരുന്നുവെങ്കിലും സഹീറിന്റെ ഭാഗത്ത് നിന്നുള്ള പ്രതികരണം ഇതാദ്യമായാണ്.

ട്വിറ്ററിലൂടെയാണ് സഹീർ തന്റെ വിവാഹവാർത്ത പരസ്യപ്പെടുത്തിയത്. ചക് ദേ ഇന്ത്യ എന്ന സൂപ്പർ ഹിറ്റ് ചിത്രത്തിൽ ശ്രദ്ധേയ വേഷമായിരുന്നു സാഹരിക ചെയ്തത്.