ന്യൂജേഴ്‌സി: സോമർസെറ്റ് സെന്റ് തോമസ് സീറോ മലബാർ കാത്തലിക് ഫെറോനാ  ഇടവകയുടെ യുവജന വിഭാഗം സങ്കടിപ്പിക്കുന്ന ഒന്നാമത് വാർഷീക 5K   സീറോ റൺ/ വാക്ക് ന്യൂജേഴ്‌സിയിലെ   സോമർസെറ്റിലുള്ള കൊളോണിയൽ പാർക്കിൽ വച്ചു മെയ് 30ന് ശനിയാഴ്ച രാവിലെ 9 മണി മുതൽ  നടത്തപ്പെടും (Location: Colonial Park, 156 Mettlers Road, Somerset, NJ 08873).

ന്യൂജേഴ്‌സിയിലെ  സോമർസെറ്റ് സെന്റ് തോമസ് സീറോ മലബാർ കാത്തലിക് ഫെറോനാ ദേവാലയം പുതുതായി നിർമ്മിച്ചുവരുന്ന ദേവാലയത്തിന്റെ തുടർ നിർമ്മാണ പ്രവര്ത്തനങ്ങൾക്ക് പണം സ്വരൂപിക്കുന്നിനാണ് 5K റൺ  /വാക്ക് ലക്ഷ്യമിടുന്നത്.

സെന്റ്‌തോമസ് യുവജന സംഘടനയുടെ ആഭിമുഖ്യത്തിൽ നടത്തുന്ന ഈ ഉദ്യമത്തിന് വമ്പിച്ച  പ്രതികരണമാണ് ലഭിച്ചുകൊണ്ടിരിക്കുന്നത്. 300ൽ  പരം ആളുകള് ഇതിനോടകം പേര് രജിസ്റ്റർ ചെയ്തു കഴിഞ്ഞതായി സംഘാടകർ അറിയിച്ചു. ഏകദേശം 600 പേരെയാണ് ഈ ഉദ്യമത്തില് പ്രതീക്ഷിക്കുന്നത്.  രജിസ്‌ട്രേഷൻ ഫീസ് ഒരാൾക്ക് 30 ഡോളറും, കുട്ടികൾക്ക് 10 ഡോളറും, നാലുപേരടങ്ങുന്ന കുടുംബത്തിന് 100 ഡോളറുമായി നിജപ്പെടുത്തിയിരിക്കുന്നു.

പങ്കെടുക്കാൻ ആഗ്രഹിക്കുന്ന ടീം അംഗങ്ങൾ മെയ് 15ന് മുമ്പായി പേര് രജിസ്റ്റർ ചെയ്യേണ്ടതാണ്. അമേരിക്കയിലുള്ള എല്ലാ മലയാളികള്ക്കും, മലയാളി സംഘടനകള്ക്കും ഈ പരിപാടിയിൽ  പങ്കെടുക്കാം.     മുതിർന്നവർക്കും,  കുട്ടികൾക്കും  പ്രത്യേകം പ്രത്യേകം   മത്സരങ്ങൾ  നടത്തപ്പെടും. 5K റൺ /വാക്ക് വിജയികൾക്ക് ടി ഷർട്ടും, വിവിധ സമ്മാനങ്ങളും നല്കുന്നതാണെന്ന്  സംഘാടകർ അറിയിച്ചു. 5സ റണ്ണിൽ പങ്കെടുക്കുന്നവർക്ക്  രുചികരമായ 'ബാർബിക്യൂ'വും  ഏർപ്പെടുത്തിയിട്ടുണ്ട്  എന്നും  സഘാടകർ അറിയിക്കുന്നു.

ഫൊറോനാ ഇടവകയുടെ യുവജന വിഭാഗം മുൻകൈ എടുത്തു നടത്തുന്ന ഈ ഉദ്യമത്തിനു,  കുഞ്ഞുങ്ങളെ  വികാരി ഫാ. തോമസ് കടുകപ്പിള്ളിൽ അഭിനന്ദിച്ചു. ഒന്നാമത് വാർഷിക 5K സീറോ റൺ/വാക്ക്‌നെക്കുറിച്ച് കൂടുതൽ വിവരങ്ങൾക്കും, രജിസ്‌ട്രേഷനും, സ്‌പോൺസർഷിപ്പിനും ബന്ധപ്പെടുക. ഡാനി ജോസഫ് (908) 9384513, ജിമ്മി ജോസഫ് (908)7459531, കോളിൻ മോർസ് (732)789 4774,  വൈശാക് കുര്യൻ (732) 429 0707, സബ്രീന അലക്‌സ് (908) 462 2277
വെബ്‌സൈറ്റ്: WWW.SYRORUN.ORG സെബാസ്റ്റ്യൻ ആന്റണി അറിയിച്ചതാണിത്.